ابي اسامحهم .... بس ماني قاااادره تعبت ..

السلام عليكم ورحمة الله

بنات انا بدخل بقصتي علطول

انا عندي عمه وبناتها صحباااتي الروح بالروح وكنا عائله وحده من خلقنا واحنا سوا اولادنا وبناتنا مع بعض دارت الدنيا وكبرنا وكان واحد من عيال عمتي يحبني من وحنا صغار وانا كنت احبه

المهم الولد قرر يخطبني وماعلم اخوته بس امه وابوه لانهم الله يسامحهم كانوا يغارون مني شوي وهذا كلام اخوهم

المهم جات عمتي وخطبتني من ابوي وبعد ماتم كل شي عرفوا اخواته

وهم بس عرفوا صرت الد اعداااااائهم كرهوني وقاطعوني ومافيه شي ماعملوه او قالوه علي وقلبوا عمتي علي وصارت كل ماشافتني بس تجرحني وتقول والله مايدخل عليك ومن هالكلام

الولد ماهموه اهله وتملكنا قلت يمكن تنقطع السنتهم وخلاص صرت زوجته لكن للاسف مافي دعوه مادعتها علي عمتي هذيك الليله والكل قامت قيامته علي وكل هذا من بناتها صحباتي

بدل ماافرح بلكتي صرت ابكي وياما بكيت ليالي بسببهم

ظلينا متملكين تقريبا 6 شهور وطول هالمده بس اروح لهم اترضاهم والله ولاكانوا يعطوني وجه كانوا يتركوني ويروحون اقعد لحالي والعبره تخنقني بس امسك نفسي واتصبر

ومافيه مناسبه تجمعنا الا بفشلوني ولازم يسببون مشكله والله سيرتنا صارت على كل لسان القريب والغريب يحكي فينا وهم ماقصروا علي بالكلام وفي اشياء كثيره ماتتصورونها سووها لو بكتبها ماكفت الصفحه وتخيلوا كل مكالماتي مع خطيبي قالت امي قالت اختي ومشاكلهم وبس

الولد مافيه اي شي يعيبه ممتاز من كل النواحي واهم من ذا كله كان يموت بترابي لكن للاسف الشي مايكمل

اخر شي ماعاد تحملت وقررت افسخ الملكه وصار اللي ابيه ادري اني اخطيت بقراري هذا بس اللي صار صار وهالكلام من 7 سنين او اكثر شوي .

تدمرت نفسيتي وانحست من بعده وانا حالتي الله يعلم بها .

لكن الان الحمدلله تزوجت من ثلاث سنين وعندي ولد والحمدلله متوفقه وسعيده .

بس اليوم دقت علي عمتي وتطلب اني انسى واسامح وكلمتني بنتها اللي كانت مسببه لي المشاكل تطلب اني اسامحها ضاق صدري لما كلمتهم مااقدرت اسامحها قالت اللي تبينه بسويه لو تبني اجيك وابوس على راسك بجي قلت لها لا مو بوستك على راسي او اتصالك راح يمحي جرح بقلبي له سنين وقعدت تحاول فيني قلت لها انا مااكرهك لكن انا في قلبي جرح منكم موراضي يطيب قلبي مو قادر ينسى مع العلم يابنات انه قبل لااتزوج رحنا لهم نزور عمتي وماافيه شي ماسوته هي واختها تخيلوا يبون يطردونا من البيت لو ماابوهم هاوشهم !!

وكل هذا وتبيني اسامحها !!!!!! انا والله نفسي اسامحها نفسي بس قلبي مو قادر لما سكرت منها قعدت ابكي ماادري شسوي ابي اسامح بس مااني قادره .

ادعوا ان الله يغسل قلبي من جروحهم ويسهل علي اني اسامحهم امين .