ابي استشارتكم ضروري يابنات

السلام عليكم ورحمه الله وبركاته
كيفكم خواتي وش مسووين ان شاء الله كلكم بخير يارب ابي استشيركم بموضوع ضروري خاصه الي مرت بنفس تجربتي واتوقع في كثير منكم
السالفه ومافيها انا ولله الحمد وبعد عناء وتعب حصلت لي وظيفه وراتبي الحمدلله 4200 ريال يروح منها 600 للسايق و150 قطيه الاكل وبعض الأحيان اخذ لي شغلات خفيفه يعني كافي او شاي او حلا يعني يصفا لي تقريبا 3400 ريال فقط وصار لي شهر واسبوعين اشتغل زوجي العزيز من اول شهر قال بناخذ سياره لا تلعبين براتبك جمعيها لانه سيارته دايم تخرب وتناقشت معاه وماعجبه كلامي ويبي وكاله وانا طنشته وقلت له علي الأقل بناخذ مستخدمه بس نظيفه وحدك 10 الاف او 12 مو اكثر ووافق مع العلم ماتغير عليه شي نهائيا لاني اشتغلت هو يجي من دوامه انا أكون موجوده ومجهزه له العشا وبيته نظيفه وكل اموره ماشيه بس خايفه يستغلني السياره وعديتها والحين يقول لي يبي سلف 1500 محتاجها بيصلح شي بسيارته مع اني متاكده انه عنده فلوس وحاسه انه بيستغلني وش رايكم اترك وظيفتي واقعد محلي والله ضايق خلقي ماودي اتعب واشقا ويجي يأخذ تعبي وبالمقابل صعب أقول له لا زوجي زنان مره وينكد علي اذا شي رفضت اسويه له عادي جدا يحبسني بالبيت ويقول لي حتي شغل مافي او ينكد علي باي طريقه ويمنعني حتي عن اهلي اعرف أسلوبه
وقبل الوظيفه مو مقصر علي بيته ويعطيني مصروف يكفيني بس مو كريم معاي يعني هدايا او طلعات او تسوق علي حسابه مافي كل شي من مصروفي فماادري كيف اتصرف للمعلوميه انا توظفت عشان اخذ الي نفسي فيه ولأنه ابي اسوي عمليه أطفال انابيب وهو ماديته ماتسمح خاصه انه العمليه تكلف فوق ال22 الف ريال فياريت تنصحوني خواتي لا تقصرون معاي بالنصيحه تكفوون انا في امس الحاجه لكم الله يخليكم يارب ويرزقكم الفردوس الاعلي ويحقق كل امانيكم وجاي رمضان ادعو لي ربي يرزقني الذريه الصالحه وكل محرومه