ابي استشيركم يالمغتربات هل نقبل بالعمل في دولة اوروبيه ؟؟

انصحكم انكم ترفضوا الوظيفه

راحه البال والاهل والامان فى بلدنا احسن ميت مره من ترقيه او فلوس زياده
او حتى سياحه

(( انا ساكنه بنفس البلد مع زوجى بس بمدينه ثانيه واحس باختنق من الغربه))
والبلدان الاوروبيه فيها مشاكل لنا كمسلمين ما بالك بمتدينين

اتبعا المثل القائل
ابعد عن الشر وغنى له :) :26:

جزاك الله خير اختي كراميل على التفاعل

اختي جهينه انا من الصبح وانا اقرا موضوعك وودي ارد عليك بس ماكان الكيبورد يعمل وتوي ازينه..
المهم
اذا بريطانيا او كندا مافيه مشكله ان شاء الله ارحم من امريكا..امريكا الان ماتبي احد ولا احد يبيها صدقيني..وكل الناس اللي قدروا يحولون حولوا لغيرها..
ومن ياجروح اللي قال مافيه مضايقات ياحبيلك..والله فيه وكثير بعد..خاصه مع الاحداث الاخيره..حتى بديت اقول لهم اني من ميدل ايست صراحه مااقول من السعوديه اتقاء شرهم..
فاحسن لكم ان قدرتوا روحوا لغيرامريكا ارحم..كندا او بريطانيا..
الوضع تغير مره عن اول..حتى فيه واحد مهوب ملتحي وعادي جدا جدا بهذلوه بالمطار قبل اسبوعين.. وكونه يجي زوجك لحاله مااظنها صح..خليك معه بس اختاروا شئ مناسب ..
والا الغوها والله يعوضكم خير..
والله يدبر لكم الصالح..

انا جايه اشجعك بصراحه.... الغربه كربه على قولتهم.... بس راح تستفيدين منها كثير.. راح تعتمدين على نفسك اكثر وتغيرين جو... وتتعرفين على ناس جدد وعوائل عربيه.. وزوجك راح يستفيد انشاالله ... والغربه اصلا تجربه جديده في حياتك ما راح تندمين عليها...
بس مثل ماقالوا البنات الوضع الحين صعب... بس انا عن نفسي الحمدالله ماشفت شي وانشاالله مااشوف لا مضايقات ولا مشاكل... اللي اشوفه احترام... انشاالله دوم..
بس ما ادري لاكني من المشجعين انك تروحين... والله يحفظكم ويحفظنا ويحفط المسلمين المغتربين كلهم ويرجعنا اجمعين لاهلنا...

جروح..عساك ماتفقدين غالي قولي آمين
انا ماصار لي كثير الحمدلله بس والله صار لاحد حولي اشياء كثيره..والتعامل تغير بعد الاحداث صح مايقدرون بعضهم يوضحون بس تحسينهم..قبل امس كنت بمحل والله انها ترمي الكيس علي. ونظراتها كلها حقد...واعرف وحده راحت له بس مهيب محجبه تقول حطتني بعيونها..
كله كوم واذا جاك تعليقات من احد..مره بالبارك انا وعيالي ومرعلي واحد وقرب كلبه وقعد يهاوش ويسب ..وانا مارديت..
وكثير يجون لمي يتكلمون ويسالون واقول لهم مااعرف انجليزي.. وعيونهم كلها شرر!!
يعني الوضع مهوب مثل اول..
والمطار مااقصد نظامهم ياجروح قصدي المرمطه والتعامل ..وكثير يقولونه مهوب بس انا..
اخر مره قسم بالله انه واحد جاء وعدل كرسي واحد يعني غيره عن مكانه علشان مايقطع صلاه اللي يصلون..جاء لمه واحد من اللي يشتغلون بالمطار ونسفه نسف وقال له اقدر اللحين اذلك ولا اخليك تسافر بالطياره..والرجال ساكت يقول له هذي عباده عندنا وحركت كرسي واحد فقط وابرجعه قال له اش ولا كلمه وقعد يسبه>>>صراحه انا ذاك اليوم بكيت اللين قلت بس من القهر.:(
يعني المضايقات ياجروح وارده وممكنه مانقدر نقول لايمكن تصير..