ابي استفيد من خبراتكن اخواتي،،لان حياتي في تدهور،،

السلام عليكم خواتي،،
الله يسعدكن دنيا وآخره ابي استفيد من خبراتكن ونصائحكن،،انا متزوجه من سنتين وعندي ولد واحد وموظفه،،
المهم مو قادره احصل وقت لنفسي احس نفسي مشغوله بدون شغل وعندي شغل بدون وقت وعندي وقت كله شغل،،ادري شي يحير بس والله هذا الي صاير معي من اول ماتزوجت احس خلاص ماعاد اعتني بنفسي ولا بحياتي ولا بشغلي،،
زمان كنت مثاليه بشغلي وملتزمه ومن زود الاجتهاد حتى اجازات مااخذ بس من بعد الزواج صار فيني كسل مو طبيعي غياب واهمال وتوتر ونوم شي مو طبيعي،،
والشي الثاني ماعاد امارس هواياتي ولا انتبه للاشياء كنت احبها وامارسها وربي ماعاد صار عندي وقت بس قلقانه ومتوتره وشايله هم وافكر ذبحني التفكير لدرجه اني ماانام،،
ماعاد اهتم بلبسي وبشكلي ولا حتى العنايه بجسمي واجمع من هالخلطات ولا اسوي شي منها وكل يوم انوي بس انسى،،
والله ذبحني النسيااااااااان لدرجه فضيعه ما ادري ليه،،
ابي اسوي برنامج تنحيف وابي ارتب وازين بيتي وابي اعتني بنفسي وابي احس بالراحه والرضى بس مو قاااااااااااادره وفي شي يمنعني ماادري ايش هو،،،
حتى زوجي منتبه وملاحظ بس ساكت ومطنش بس اخاف في يوم ينفجر علي،،
بس تصدقون بالله يااخواتي صايره انسى لدرجه مقيته ،،واذا طلعت برى البيت اجلس افكر بحالي واقول خلاص ارجع للبيت ابي اسوي كذا وكذا وكذا وتكون عندي عزيمه قويه بس والله اول ماادخل البيت خلاص انسى كل شي خططت له واكره البيت وحياتي ونفسي حتى شكلي بالمرايه مااحب اشوفه،،
وصايره هالفتره اكره زوجي من غير سبب واعوذ بالله لدرجه اني اقول متى يموت وارتاح بالرغم انه في اشياء زين معاي بس ما ادري ليه كذا احس،،
قلت يمكن حامل ورحت حللت بس مافي حمل،،
وفيني صداع مستمر وكمان احس اقدامي متورمه وتوجعني لما امشي وحتى لو رحت الدوام بس فيني نوم وقلق وتوتر واحيانا يجيني حالت اكتئاب وبس ابكي،،،
معاليش طولتها معاكم بس حبيت افضفض واستفيد من نصائكم وارائكم وش تتوقعون فيني وليه انا كذا ووش اسوي بحياتي،،