وانتي علي بالك اذا عشتي لحالك بترتاحين !!!
راح تكوني مسؤله مسؤليه كاااااامله عن نفسك
اذا خرب شي بالبيت راح توقفي علي العمال اذا طفى الكهرب بنص الليل
اذا احتجتي دوا او اغراض ضروريه
كيف بتكون نظرة المحيطين لك
راح تكوني مطمع لكل شخص نفسه مريضه


واللي قلتيه كله شي عااااادي وطبيعي وبكل بيت
ابد ماهو عذر تطلعين ببيت لحالك
القدره الماديه مو كل شي

انا بطلع بشقه عن زوجي هههههههههههه
لو عندي القدره

ّ.........

بقولك ع نقطه خطيره خفيه ... احذري منها انتي وغيرك وشفتها كثير ..
خروج البنت من اي بيت وبالذات بيت أهلها .. خطير معنويا .. ليه .. لأنهم يبدون يعيشون يومهم بدونها .. حتى لو هم حزينين .. ويبدون يتعودون انها مهي حمل عليهم وانهم مو ملزومين فيها وأنه عادي مايشوفونها وعادي تشيل همها بنفسها وأنها ما تدري عنهم ولا يدرون عنها ..
ثم تنصدم البنت في المستقبل ..
انها اذا جت عندهم يعاملونها مثل الضيفه .. مو من حقها تتدخل فيهم ولا تدخل غرفهم والايام اللي تنام فيها محسوبة وماتدري عن مشاكلهم .. واذا بكت ولا حملت ولا مرضت مو ملزمين فيها واذا اخطات اول شي يقولون بررررى من البيت .. وياويلها ترفع صوتها ع خواتها او عيالها .. خلاص تعودو انها طلعت ..
ولو تجلسين بتنامين عندهم لازم تتلبقين لهم قبلها .. واذا جلستي اسبوع خلاص طولتي ..
واذا زعلو يذكرونك أنهم اخوك تجلسين بالبيت وماطردوك مثلا اسبوع او كم يوم .. ماكانه البيت لكم كلكم ..
انتبهي ..
أمك حريصه ع بيتها احسن من اللي مضيعه بيتها
وخواتك اهم شي تترابطون وماتغارون من بعضكم .. وقربي منها أكثر وخليكم حبيبات مو جالسات مع بعض مؤقتا إلين الزواج ..
واستفيدي انه ماتزوجتي لحد الان انه تقتربين من اهلك وتتترابطون لانه واضح فيه خيوط ود مقطوعه
.. ومع اختك اقتربو من بعض اكثر ماتدرين يمكن هذي اللي بتشاركك وبتاقف معك بعد ربي سبحانه كل حياتك ..
ادعي ربي سبحانه كثير انه يجعل بيتكم سكن ومودة .. وحتى الزوج لو تزوجتي بيت اهلك يهم الرجل هو مترابط ولا مفكك هل يحبونك او يكرهونك ...
وأمك تقربي لها اخليها تدري بتعبك
الإنسان غلط يحل المتاعب بمشاكل..

طب فيه سكن داخلي للطالبات جربي تقعدين لو اسبوع
ولا روحي فندق زيارة اسبوع
اذا مشى الحال
وحسيتى نفسك مرتاحة انك لوحدك اطلعي
هذا المبتعثين عايشين لوحدهم
مافيها شي