كوبونات الراقية تسجيل الدخول

نونو كامانونو
نونو كامانونو •
ما قول الا اه جت على السواقه بس
المراه ماتقدر تتحرك ولا تخلص امورها الا بوكيل
البرنسيسة المقتولة
البرنسيسة المقتولة •
ام صاري ام صاري :
اه جيتي على الجرح والله اني تعبانه من كم يوم وزوجي مايجي من العمل الا بعد المغرب ويكون مهدود حيله ولا يرضى يوديني والله حنا يالسعوديات عايشات بذل فضيع اركبي مع سواق او ليموزين وطول الطريق عينه عليك ولا تركبين الحالك لا ويقلون اختلاط طيب ركبة الحرمه مع رجال لوحدها في سياره ماتعتبر اختلاط وخلوه بعد منطق غريب
اه جيتي على الجرح والله اني تعبانه من كم يوم وزوجي مايجي من العمل الا بعد المغرب ويكون مهدود...
من اللي يقول اختلاط ؟؟ .. المشايخ ؟؟ ومن وين قالوا إنه اختلاط ؟؟ كذا من كيفهم ؟؟ وإلا إيش ؟.
ومن اللي قال إن ركبة الحرمة مع رجال لوحدها ، ما تعتبر اختلاط ؟؟
شوفي حبيبتي .. تتكلمين ، استشهدي على كلامك .. أما إطلاق الكلام على عواهنه ، ترى ما يمشي علينا ..
هذي أنا ، طول عمـري ، وأنا ما يقضي لوازمي إلا سواق بمحرم .. للمشاوير الخاصة .
عمري ما اضطريت أركب مع سواق ليموزين ، أو سواق خاص بدون محرم .
( ومن يتق الله يجعل له من أمره يسرا ) .. الوحدة تتقي الله في نفسها ، ولا تتنازل عن مبادئها .. وربي ييسر لها أمورها من حيث لا تحتسب ..
نفسي أفهم ..أي ذل اللي قاعدين تتكلمون عنه ؟
الماسه حساسه*
الماسه حساسه* •
ليش ماتسوق الحرمه وش ضر الكويت ودول الخليج حريم منقبات ويسقون كل شي بالبدايه صعبه بعدين يكون عاااااادي بس المراه داااايم عدوة المراه وتسعى لتحطيمه بمجتمعنا لانه مجتمع رجااال وبس ,,دايم يفكرون انه انحراف وبلاوي ليش مايفكرون بالاشياء الايجابيه بس مالومهم تربينا على هالشي مالنا اي حقوووق والي تتكلم اول من يهاجمه الحريم الي زيه !!القوانين الصارمه اذا تطبقت تحمي الحريم وتوقف كل معتدي عند حده بس مين يسمع !!
اصداء روح
اصداء روح •
اقول الله يهداكم احنا في اخر الزمان الواحد يدور الاجر وانتم تبون تسوقون والله انها فتنه عظيمه وتعرفون اخطارها انا والله زوجي اذا طلبت مشوار لالالالا اروح لا ولاتذمرت الحمدلله الله يهدينا ويهديكم احنا في زمن يخوف شوفي لو طلعتي وانتي مع محرمك وشلون بعض الشباب والله اني اخاف فما بالك وانتي تسوقين وتعطلت عليك السياره وش بيصر هل تضمنين بيوقف لك ابن حلال او مستهترين ارجوكم فكروا بعقلآنــينه والتقرب لله واتمنى منكم ماتزعلون مني تذكرو الجنه والنار لاتغركم الدنيا ولاتهتمون بالمظاهر الغرب يبي يحررون المرأه السعوديه وهي معززه مكرمه والله لو نسوق تشوفين الهوايل الحوادث والمغازل والله معاد تشوفين رجال ببيته احمد ربي وسلامتكم ولاتفكرون كلامي تخلف لاوالله الاخوف من الله الله يثبتنا وانتم اجمعين بارك الله فيكم
حبوبه طيوبه
حبوبه طيوبه •
ربي يفرج همنا
الى متى ونحن مضطهدات ومستغلات
ندفع اموال لاجدوى منها
لناس استغلوا حاجتنا وفعليا نحن لسنا بحاجتهم
معظم السواقين هم اردى القوم الامن رحم ربي
لاشهادات ولادين ولاخلق
بالغالب خريجين سجون
اما المتعلم منهم فاكيد مايرضى يكون سواق

دام الدوله تمنع قيادة النساء ليه ماتتكفل بدفع رواتبهم
ماذا لوكان العكس ومنعت الدولة قيادة الرجال ماذا سيحدث.....؟ فكرو عميقا ستجدون الجواب الذي نعانينه نحن النساء في السعوديه (حطو نفسكم مكاننا )

انا مايقهرني الاتصريح المصدر المسؤول المجهول
حين تثور اقلام كتابنا ومواطناتنا حول قيادة المراه
فيرد ان انظمة السعوديه لاتمنع القيادة وان الرفض من المجتمع وهم يقررون
والقيادة امر اجتماعي وشعبي
ولو قدر الله علي واخذت مفتاح واحده من السيارات وحركتها لبداية الشارع
لاحقونا قاق قاق ووووويو ويييي هذا لو ماوقفتي على جنب وعاندتيهم عرفتو صوته
وقالو وين ولي امرك يكتب تعهد انك تتوبين ولاعاد تسوقين يامره مرتن ثانيه