مين جربت اليوكو ؟؟؟ وهل يسبب تساقط ؟ شعورنا مو ناااااقصه
الصراحه انا شعري مو خشن الحمدلله ولكن نفسي ارتاح من السشوار وحابه اجرب اليوكو بس مرررررررره خايفه يخربلي شعري على المدى البعيد يا ريت صاحبات الخبره يفيدونا عن اليوووووووكوووو وشكرااااااا

بنت شيك

وانا مثلك والله خايفة من تجربة اليوكو هادي وخصوصا ان سعره ماهو بسيط سئلت الكوفيرة عنه طلبت علي 2500 ريال وغير باقي خرابيطه وما يندرى يطلع زين او لا شفت وحدة في المشغل مسويته تقول انها ثاني مرة تفرد اليوكو على شعرها اول مرة كل شعرها وكانت تفرد جذورها الجديدة بس والله بلشة على هالحالة يبيلنا كل 5 اشهر مبلغ مو بهين علشان نفرد شعورنا الحرمة انصحتني ومرة مستانسة عليه وهو للحق باين طبيعي وعلمتني ان اول شهر كان يبان انه مفرود ويضيق الصدر بس بعدها صار طبيعي يعني ان اليوكو كل ما طال على الشعر يصير ازين واخت ز وجي عروسة ومتحمسة انها تسويه وطلبوا على شعرها 4000 علشانه ماشالله طويييل وكثييييييييف مرة

ايش نصيحتكم يا بنااااات الله يسعدكن

بصراحه احترنا بها اليوكو
أحد يمدح وأحد يذم .. ماعرفنااا
بس اذا تاخذون شوري لاتسوونه
أحس التمليس العادي ارحم ..

شوفو يااخواتي بقول لكم عن تجربتي مع شعري

اناشعري مو مجعد وايد بس مااقدراستغنى عن الاستشوار يعني بدون استشوار الله لا يوريكم كشتي :16: ,,, حتى ويهي يصير صغيرون من الكشة بس بعد الاستشوار نوعا ما حلوو مو حرير بس هم مو مجعد زين لا باس

انا فكرت افتك من سالفة الاستشوار والعبالة هذي قلت خلني اسوي تمليس وبما اني اعرف وحده مسوية تمليس ولاحظت عليها ان شعرها يطيح ويطلع لها شعر يديد مرة ثانية وتعالي للشعر اللي يطلع اخس من اللي طاح وعفس شعرها فوق تحت فصار شعرها بعد التمليس بعدة اشهر ( مجعد + مقصف+ املح )

خفت من التجربه وبما اني من رواد منتدى عالم حواء قريت بيوم من الايام تجربة عن الريلاكس ووحده تمدح الريلاكس وانه مايطيح الشعر ورحت ركض وسويت شعري ريلاكس وكان ب 50 دينار وقعدت 4 ساعات اسويه ما رديت البيت الا راسي بينفجر :02: وصج كان مستشور وكان حرير فضلا ان الفلبينية قالت ليي ان الريلاكس من انواع اليوكو بس اخف واذا تبين اسوي لج اليوكو تدفعين 50 زيادة يعني يصير ب 100 دينار قلت خلني اجرب هذي اول :27:
يوم ثاني غسلت شعري وكانت النتيجة من فوق يبين حرير فعلا يعني اللي يشوف شعري من فوق يقول حرير بس من تحت واقف مثل التمليس يعني يبين انه مسوي شي بشعري بمعنى اخر غير عن خلقة ربج يعني ما يبين طبيعي

وعلى طول ييت وكتب مشكلتي بالمنتدى نصحتني احدى الاخوات بغسله مرة ثانية وصج غسلته حتى يلين وفعلا من فوق ما عندي مشكلة فيه حرير وقريب الى الطبيعي بس من تحت واقف بس يظل احسن من التمليس ما يطيح وفيه لمعة

هذي تجربتي نقلتها لكم للفائدة اخذو منها الفايدة والكلام الزايد حذفوه :)

جزاك الله خير حبيبتي مريم ...تصدقي هادا اللي انا خايفه منه خايفه اسوي فرد او تمليس او اي شي وتصير اطراف شعري واقفع لاني مرة في الصالون شفت وحدة عامله يوكو شعرها زي الخشبه من كثر ما اطرافه واقفه وانا صراحه ودي افرد شعري بس ابغا شي يكون حلو وطبيعي مو يبين انه مفرود...