ابي اسوي عزيمة لصديقاتي ياليت تساعدوني

عادي حبيبتي ممكن تسوي العشاء من الظهر وكل شي يفضل مثلا تحطين الرز على المرق خليها اخر شي قبل ماتطلعي العشاء بياخذ عشر دقايق بالكثير وسوي السلطه كمان من بدري بس لا تحطين الصوص الاقبل ماتحضرينها انا كمان احطها بطبق التقديم وحتى الحلا بطبق التقديم وفي الثلاجه اًذا جاء وقت الاكل بس اخرجه من الثلاجه واحط الصوص واجهز الملاعق والكاسات في تباسي التقديم عشان مااتلبك اذا جو وقبل مايجون بخمس دقايق حطي فواحه او بخور وعزومه موفقه والمهم الجمعه الحلوه والاوقات السعيده ولا تنسين تشغلين سورة البقره لانها تعطي راحه وسكينه بالبيت

ماقصرت الاخت الام الحنون وازيد عليها نظفي البيت من الليل وسوي الحلا من الليل والله يوفقك

نظفي بيتك قبلها بيوم و ممكن يوم العزيمة تحتاجي تنظفي شي بسيط مثلا لو اطفالك وسخوا شي
وكذلك جهزي لبسك ولبس اطفالك من بدري .. الحلا عادي سويه من الليل اشوف لو تسوي بسبوسة و حلا بارد يكون حلو ويريحك و كذلك السلطة
اما المكبوس ممكن تبدأي فيه بالذات الخطوات الي راح تطلع معاها ريحة الطبخ و تحفظيه بعد كذا بس تكمليه في الليل
بكذا تكوني ما اجهدتي نفسك و تلحقي تجلسي مع ضيوفك و كمان حطيتي احتياط للظروف الطارئة
وقبل ماتبدي باي شغل نصيحة لك ادعي و قولي يارب اعني . ووقت الشغل رددي الاذكار بالذات التسبيح
و ان شاء الله عزومة تبيض الوجه

اول شي لا تعزمي الا وانتي مجهزه نفسك ومخططه كيف راح تسوي الاستقبال

طبعا نظفي بيتك كللللله قبلها بيومين وقسمي تنظيف البيت على يومين عشان ما تتعبي

واهم شي قبل العزيمه بيوم تكوني مخلصه كل شي ومروقه وتبدأي تجهزي على اقل من مهلك

تقدري تسوي خلطة الكبسه من الليل وتدخليها الثلاجه وتسوي مثلا رولات التوست بالدجاج او التونه وتدخليها الثلاجه وطبعا قبل العشا تحطي الخلطه عليها وتدخليها الفرن وقبل العشا بساعه حطي الرز وسوي اي صنف تبي تقدميه مع العشاء كمان وحطيه بالثلاجه مايخرب بلعكس

سوي نوعين حلى لبعد العشاء طبعا سويه قبله بيوم لانه راح يكون حلى بارد في الثلاجه

ونامي بدري عشان تصحي على الساعه 10 الصباح وتبدأي تجهزي باقي الاشياء

تسوي السلطات بس طبعا من غير ملح ولا ليمون ولا خل ولا مايونيز لان هذه تنحط بوقت التقديم بس جهزيها وخلفيها في الثلاجه مايصير لها شي

وارتاحي الين العصر وبعدين سوي فشار ولمن يبرد غلفيه وجهزي المكسرات وغلفيها يعني جهزي اي شي تبي تقدميه مع الشاي من العصر احسن عشان لا يروح وقتك كله بالمطبخ والضيوف لحالهم حتى كاسات الشاي والقهوه جهزيها من بدري

ولمن تخلصي خذي شاور واجهزي وبخري البيت بمستكه وبعدين حطي نوع البخور الي تفضليه
لان لو بخرتي بمستكه بالاول وبعده البخور الريحه بتثبت في البيت وتطول
واشربي كاسة عصير برتقال فرش واسترخي الييييين يجون ضيوفك

هذه طريقتي وقت عزايمي بكذا الحمدلله ما احس بتعب ابدأ لاني انظم واخطط ايش بسوي من قبل العزيمه باسبوع

واحيان اجيب ورقه واسجل فيها جميع الاطباق الي بسويها وابدأ قبلها بيوم اسوي السهل بعدين الصعب عشان اخلص بسرعه

واهم شي عندي انه مايجي يوم العزيه الا وانا مخلصه كل شي ومسترخيه من بري لان ورايا كرف اخر الليل هههههههههه

رفع