ابي اشتري جوال لامي شورو علي

السلام عليكم حوائيات ان شاء الله انكم بخير

انا حابه اشتري جوال نوكيا ان 308 لامي هي تعرف تقرأ وجوالها الي معها الحين ابو كشاف ف مابغى اجيب لها جالكسي ولا ايفون وماتعرف له ، ابي اشتري لها جوال بسيط وسهل ومن نوكيا عشان يكون النظام اقرب لجوالها ، انا بصراحه لاحظتها تحب تشوف الصوور بجوالي ايفون وتروح يمين وتغير فيهن وكذا ودايم تقول ودي اشتري جوال احط فيه صور لاخوانك واطالعها عاد انا ميزانيتي على قدي وادري فيه نوكيا لوميا جديد شاشته كبيره وسعره 2600 بس هي مراح تستخدم نت ولا تطبيقات ولا ميزات كثيره ف ماقدر اخذ جوال غالي مره وهي مراح تستخدم اغلب ميزاته ، الزبده ادري هذري واجد شرايكم بالجوال الي ذكرته والي جربته تقول لي كيف حلو والصور فيه واضحه ولا لا واقدر اكبر الخط وانزل لها تطبيقات مثل القران والادعيه وكذا ولالاا ، ايه والاذاعه فيه تشتغل بدون سماعه ولا لازم سماعه . 

انا ماقدر اروح اشوف للجوال وميزاته قبل ما اتاكد انه المناسب اذا رحت بروح اشتريه واجي على طول اتمنى تفيدوني بالتفاصيل للي يعرف وشكراً .