ويسعد مساكم يالغوالي
اول موضوع لي بهالمنتدى بالرغم ان لي مده من سجلت ومتابعه للمواضيع لكن بصمت
حبيباتي انا عندي مشكله وان شاء الله تكون بسيطه
واتمنى من اي بنوته تدخل الموضوع لاتطلع بدون ماتكتب شي حتى لو دعاء او تخفيف او اي شي
انا عمري 19 طالبه جامعيه قسم علمي
طبعا توني بأول سنه
فجأه وبدون سابق انذار انقلب حالي
درست الترم الاول في الكليه وحملت مواد تخصص على الرغم اني فاهمه الماده وماعندي اي مشكله
وفي الترم الثاني ماقدرت اكمل ..
جتني ضيقه مفاجأه وصرت اقوم الصباح مثل الاطفال ابكي عند امي ومابي اروح الكليه
امي اش بيدها قالت لي خلااص لاتروحين بس ليش تبكين
بنات والله ماعرفت ارد عليها كل اللي قلت لها اني متضايقه ومابي اروح وهذا اللي حاصل
لما رحت واعتذرت قلت ان شاء الله بتروح الضيقه وبرتاح هالترم وانتهينا ..
الضيقه لازالت ملازمتني ومو رايضيه تروح
اقرا اذكاري واصلي واحاول قدر المستطاع اقرا قرآن
كنت داااايم مانام الين اتوضا واصلي واقرا قرآن
في الفتره اللي اعتذرت فيها من الكليه صرت اتكاسل اني اصلي قبل انام واتكاسل عن الاذكار وحتى الصلاه لما اصليها يجيني كسل مو طبيعي وودي اخلصها بسرعه وبأي شكل <<والله اني حزينه على نفسي
وحتى امي واخواني كنت اعاملهم بشكل ممتاز وحلو وماحب ازعلهم وقدر المستطاع اراضيهم هذا اذا زعلو مني
في هالفتره صرت اعاملهم بشكل مو طبيعي دايم منرفزه وزعلانه واي شي يضايقني حتى لو حاجه تافهه
واحيان كثيره تزعل مني امي وتنام وهي زعلانه ومع ذلك احزن شووووي وخلاص بعدها اقول عادي الله اكبر
انا احس انه تجبر وعقوق بس هذا اللي يصير لي والله مو راضيه عنه ..
اختي انا وياها كنا زي العسل
تعاملنا مع بعض مررره حلو ودايم نتفاهم وما نزعل من بعض واذا تزاعلنا فتره بسيطه ونتراضى والكره مايلقى لقلبي طريق لاختي
في هالفتره اي كلمه تقولها تحز في نفسي واي حركه تسويها ازعل
وصرنا نزعل من بعض كثييير كثييير مستحيل يمر علينا اسبوع مانتزاعل ونتخاصم حتى لو بالنظرات
بنات فيه اخت تكره اختها !!؟؟
مافيه صح ؟؟
انا اكره اختي على انها عيوني اللي اشوف بها
بس اذا صار بينا اي مشكله اكرهها كره مو طبيعي وماتمنى لها الخير
واذا شفتها واقعه في مشكله وانا واياه متخاصمات عاااادي مايهمني اساعدها واوقف معها بالعكس اقول في نفسي احسن !!
صرت دايم اذا سمعت ان بيجونا ناس زياره او معزومين لاي مناسبه
يجيني هم وبطني يعورني من الهم مابي اروح احس بسماااااجه
على الرغم ان مافيه شي ناقصني الحمد لله بس تجيني ضيقه مابي اروح ولا ابي احد يجينا
تقريبا واناثالث ثانوي الترم الثاني
صارت تجيي احلام تخوووف
دايم احلو بالجن وكأنهم يبون يأذوني في الحلم
ماكانت تجيني كثير هالاحلام لكن من الترم الثاني في الكليه صرت احلم كثير بهم ومره حلمت :
كأنها جنيه وشفت شكلها ((بسم الله علينا الله يحفظنا منهم )) تدخل عليّ الغرفه وتبي تاذيني وكاني اروح اتخبى عند واحد من اخواني
ومدري كيف حلم مخيييييف من جد خفت منه
وغيره الكثير الكثير ..
اهلي استغربو القلبه اللي انقلبتها ولاحظو اني تغيرت عليهم بشكل كبييييير
اختي مره من المرات سولفت لها عن احد احلامي عن الجن قالت ليش مانفسره
بس عارضتها حكايةاقله الحلم وهو يفسره لاااا اخاف يكون تفسيره فيه ضرر او شي
حاولت فيه وارسلت لمفسر احلام عن معنى الحلم بالجن اكثر من مره وفي فترات متقاربه
رجع الرد وفيه انه حسد
طبعا هالرساله وتفسير الحلم مالها الا يومين
وحالتي معفوسه لي ترم واكثر ..
والله يابنات احس اني تعبت نفسا وبدنيا
وزني قل والحبوب قهرتني في وجهي اصلا ماكانت فيه
والله بشرتي في الاصل صافيه ومافيها شي
والسواد تحت عيوني حطمني
ابي اسمع رأيكم واشوف اش تنصحوني فيه
والله يهمني اسمع من بنات احس انهم مثل اخواتي
ومثل مذكرت فوق مابي اي بنت تدخل وماترد
حتى لو ترفعين الموضوع
بس ما ابي احس ان موضوعي ماله اهميه والله يهمني كثيييير