ابي اصلح معكرونة؟؟

الله ايعينج انا بعد حالي من حالك لكن اللي اعرفه ان سلق المعكرونه لازم يكون مع ملعقة زين وملح عشان ما تتلصق وبعدين الدجاج لازم يتبهر او يتبل فبل الطبخ هذا بالاضافه الى انه في بعض الاكلات لازم يطبخ

انا اقترح انك اتجربين تعمليها اول مره بدون دجاج يعني بالصوص او مع الكريما او البشميل بعدين اذا تمكنتي تعملينها بالدجاج واللحم :)

يا هلا اختي العزيزه .. سكنات الليل الهاديء

المكرونه : مثلما قلت تغلين الماء مع شويه ملح وبعدما يغلي تحطين شويه زيت + المكرونه

وتقلبينها شويه بالملعقه حتى ما تلصق مع بعضها وتخلينها حتى تلين ثم تصبينها بالمصفاه

خلطه الدجاج : من كلامك تبين خلطه دجاج مع الخضار

اول شي لازم تسلقين الدجاجه مع الملح والبهارات وبعدين تسحبين منها العظام ويصير عندك دجاج مسحب ..
البطاط والجزر الافضل انك تقطعينهم مكعبات وتقلينهم شويه بالزيت حتى يتحمر لا تسلقينهم .
الحين تسوين الخلطه :
تفرمين البصله وتقلبينها مع شويه زيت حتى تلين ثم تحطين الثوم المهروس وتقلبينه شويه
بعدين الطماطم المفرومه مع رشه ملح وتخلينها شويه على النار حتى تلين , ثم معجون الطماط وقلبيهم شويه ...
الحين حطي بهاراتك + ( اذا تبين بقدونس او كزبره مفرومه يعطي طعم حلو للخلطه )
وقلبيهم شويه وبعدين حطي الدجاج المسحب وقلبيه عدل حتى يختلط مع المكونات كلها ,
وآخر شي حطي البطاط والجزر وقلبيهم شويه برفق حتى ما ينهرس , خليه شويه على نار خفيييفه جدا ثم طفي النار .
الحين اخلطي المكرونه مع الدجاج وردي حطي القدر على نار هاديه حتى يتسكر .

وان شاء الله تتوفقين وعليك بالف عافيه ....

rawnd

اشكرك اختي على الرد ...ومثل ما قلتي احتمال اعملها مع الخضار فقط
بس انا حابة افاجا الاهل بمعكرونة سنعة وابيها بالدجاج
......................................

زهرة النوير

الف شكر وامتنان لكي اخية
بصراحة وفيتي
وكلمة شكر قليلة في حقك
بس ما قلتي لي وش البهارات اللي اضيفها مع الدجاج وكيف انة نضج زين؟؟ :27:
........

بالعافية عليكم المعكرونة مقدماً


انا بارد على سؤالكِ الموجه الى الأخت زهرة النوير

بس ما قلتي لي وش البهارات اللي اضيفها مع الدجاج وكيف انة نضج زين؟؟

اختي الأخت زهرة النوير قالت لكِ تسلقي الدجاج مع البهار


يعني تتركي الدجاج حتى ينضج ومن ثم تزيل عنه العظم وراح يكون لكِ دجاج مسحب بدون عظم وبهذا يكون جاهز للأكل أيضاً الى انت في النهاية تضيفيه الى الحمصة الى عاملتنها " البصل والباقي....


إنشاء الله يكون مفهوم عزيزتي

انا راح اعطيكِ طريقتي
0
الآن خلنا النجهز الأغراض كأنا بنصلح المكرونة الآن

1- في البداية بعد ما تغسلين الدجاج تقطعيه مكعبات صغير شوي " تتركيه على جنب"
2- نقطع البصل صغير او نفرمة بحيث ما يكون ناعم جداً
3 ناخذ فص ثوم وندقه " وممكن الإستغناء عنه"
4- نقطع الخضار المرغوبة" بطاطا+ جزر+ فيلفلة " اي خضار انت ترغبين ان تكون في المكرونة
5- الطماطم أفضل شيء تفرميه بالفرامه بحيث يكون لكِ مثل الصلصة أو تحبي تستخدمي علبة الطماطم جاهزة انت بكيفكِ
6 - قليل من الصلصل
7- قليل من الزيت

الآن ناتي الى الطريقة

كما اخبرتكِ الأخت زهرة النوير عن طريقة السلق المكرونة

المكرونه : مثلما قلت تغلين الماء مع شويه ملح وبعدما يغلي تحطين شويه زيت + المكرونه

وتقلبينها شويه بالملعقه حتى ما تلصق مع بعضها وتخلينها حتى تلين ثم تصبينها بالمصفاه


نأتي الآن الى عمل الصلصة الحمراء الخاصة بالمكرونة


تجيبن القدر وتضعين فيه قليل من الزيد أو الزبدة حسب الرغبة
وإذا سخن الزيت نضع البصل وتقلبه بين الحين والآخر وإذا شفتي ان البصل صار ليين يعني لسى هو ابيض تضيفي مكعبات الدجاج وتقلبيه مع البصل وبتلاحضي ان الدجاج تغير لونه اصبح مثل الون الزهري تضعي الثوم والبهارت " تضعي قليل من الهيل المطحون وقليل من الكمون وبزار الدجاج وتقلبيهم مع بعض وبيكون على حرارة متوسطه راح تلاحضي ان الدجاج يطلع ماء كثير اتركيه حتى ينشف ماء الدجاج ثم ضيفي طماطم المطحون وقليل من الصلصل وتضيفي قليل من الماء وتتركي الصلصه تطبخ ثم تضيفي البطاطا والجزر لان هم يبغى لهم وقت لكي ينضجو
وتقلبيهم مع بعض وتخففي على الحرارة ايضاً وتراقبينهم إذا شفتي يحتاج قليل من الماء ضيفي له
وتتركيهم حتى ينضج الجميع تضيفي قليل من البقدونس والكزبرة ويكون مقطع ناعم وتضيفي بهارات المشكلة والفلفل الأسود والملح وتقلبيهم جيداً
وتتركيه على نار هادئه جداً وبهذا تكون الصلصة جاهزة


تضعيها على المكرونة
فيكِ تقلبيهم مع بعض وتقدميه او تضعي في القدر مرة اخرى وتتركيه دقائق على نار هادئة
ومن ثم تقدميه


وبالهنا والعافية
ومن ثم تضعيه على المكرون