كوبونات الراقية تسجيل الدخول

كــــتـــمــان،

ابي اطلع من شقتي لشقة أخرى ....... ؟ 💔

الأسرة والمجتمع •

السلام عليكم ورحمة الله وبركاته 🌸


_
‏سُبحان الله وبحمده .
استغفرالله العظيم واتوبُ اليه .
لا حول ولا قوة إلا بالله .

اللهم صَل وسلم على نبينا محمد .


بدخل بالسالفه ع طول انا من شروطي في كتب الكتاب انو ينحط لي بيت مستقل لوحدي طبعا استاجر زوجي شقه وسكنت فيها واول زواجنا ام زوجي جالسه تنق فوق روسنا ياشين البعد انتم بعيد عننا واللي بيننا وبينهم فقط حي يعني ماشوف فيه بعد يخليها تحكي هالكلام في كل روحه وجيه لهم تفتح موضوع البيت ليش ماتجون وتسكنون فوقنا طبعا فوق بيت العجوز شقه مافيها احد كانت ساكنه فيها قبل زوجة ولدها وطلعت وتبي تدبسني انا فيها ليش ؟ انا اقولكم عشان رمضان اسوي اكل وانزله لهم زي م كانت زوجه ولدهم تسوي انا بيني وبينكم ابي الفكه انسانه بيتوتيه ولا تعجبني الجماعات والازعاج وهي كل يوم بناتها وبزارينهم عندها وتبي كل يوم اجيها وانا في شقه بعيده عنهم اجل مابالكم لو كنت فوقها بتصير كل يوم ساحبتني من فوق العلم الوكاد انا م ارغب اسكن عندهم خير شر مو عشان شي معين لا انا نفسيآ احب يكون بيتي بعيد عن كل اللي اعرفهم ، المشكله الان احنا ناوين نطلع من شقتنا وبنسكن في شقه في حي اهل زوجي طيب زوجي خيخه مغير لقلق مايكتم شي اخاف يروح يعلم عجوزه وتجبره نسكن فوقها ، كيف اخليه يكتم السالفه ذي لحد مانسكن في الشقه الجديده ؟؟ تتوقعون ايش الطريقه المقنعه اللي ممكن يقتنع فيها ويسكر فمه مايعلم احد لين نسكن ؟؟ اجيه من باب قضاء الحاجه بالكتمان ؟؟ اخوفه بالعين و الحسسسد لانه هو مصاب بنفس ويخاف من الاشياء ذي مجرب تعبها وعارفها ؟؟ ابي اساليب اقناع حلوه تدخل بالراس انا مابي احد يغير رايه ب ايجار شقه جديده من ابسط حقوقي اسكن في البيت اللي ابيه 💔😵



( الردود للناس العاقله والمحترمه فقط ، اللي بتجي مدرعمه تروح ترضع ولدها احسسن لها )
52
12K

يلزم عليك تسجيل الدخول أولًا لكتابة تعليق.

تسجيل دخول

um joud
um joud •
طالما عارفة شخصية زوجك انها ضعيفة فاكيد الاساليب حتكون بسيطة وانت ادرى بطريقة اقناعه مانقدر نفيدك بحل لاننا مانعرفه كثرك
ارنو لغد مشرق
ارنو لغد مشرق •
اصعب شي السكن جنب الاقارب.....ًلابد تجي مناوشات ويقل الاحترام.....حاولي في زوجك باللين والسياسه.....رح بعيد قدرك يزيد
.. أخت القمر ..
.. أخت القمر .. •
ما راح ارد الا بكلمه احترامك لأم زوجك مردود عليك في يوم من الايام وكلمه عجوز اللي كررتيها بكلامك اكثر من مره .. حسيت فيها قلت ذوق
الا اذا هذا شيء عادي عندكم حتى امك تناديها بالعجوز
ترى راح تصيري عجوز مثلها يوما ما
وش يضرك لو قلتي خالتي عمتي ام زوجي اي شيء غير كلمة عجوز
الله يسعدك ويسخر لك زوجك
ويهديك يارب
مشتاق لعيونه
مشتاق لعيونه •
مادري حسيت من كلامك انك كارهه امه رغم ماقلتى شي سوه فيك وكرهك فيهم وعجوز عجوز بكره ولدك يتجوز وتصيري عجوز وتقول زوجته مابي اكون جب العجوز ولا احتك فيهم رغم انك ماضريتها بشي
الايام دول ...لك يوم وعليك يوم .
كــــتـــمــان،
كــــتـــمــان، •
.. أخت القمر .. .. أخت القمر .. :
ما راح ارد الا بكلمه احترامك لأم زوجك مردود عليك في يوم من الايام وكلمه عجوز اللي كررتيها بكلامك اكثر من مره .. حسيت فيها قلت ذوق الا اذا هذا شيء عادي عندكم حتى امك تناديها بالعجوز ترى راح تصيري عجوز مثلها يوما ما وش يضرك لو قلتي خالتي عمتي ام زوجي اي شيء غير كلمة عجوز الله يسعدك ويسخر لك زوجك ويهديك يارب
ما راح ارد الا بكلمه احترامك لأم زوجك مردود عليك في يوم من الايام وكلمه عجوز اللي كررتيها بكلامك...
احنا عندنا في قاموسنا عجوز يعني كبيره السن ، وشي عادي في مجتمعنا او ناسنا بمعنى اصح ..

لا تتوقعي نيتي فيها قلة ذوق او قلة احترام لا ابدا لان اللي جالسه اتكلم عنها جدة اولادنا بالمستقبل ..

اذا انتي فهمتيها انو اساءه هذا شي راجع لمخك عزيزتي 👍