ابي اعرف ايش اللي يغير الرجال اذا

مساء الخير

انا عندي موضوع أو وضع ملاحظته ليش الرجال اذا تزوج على كبر والا وحده صغيره يتغير كل شي فيه يتقلب 180 درجة اول واحد ابوي كان شديد معانا ما نتنفس وهو موجود من الخوف منه وربي اذكر كان يقفل باب الصاله وينام في الصاله ويقول ماحد يطلع وإذا طلعنا للبقاله ولا للحوش نخاف نرجع لانه يقفل الباب الثاني لدرجة نحط كرتونه في الحوش ونجلس عليها والدنيا حررر نار ونتحمل المهم ما ندخل عشان ما يحس وإذا شافنا يقول تستاهلون ويخلينا برا ومواقف أكثر واكثررر وكان حريص بالصرف علينا مو بخل لا الظلم حرام بسس حرص حرص وكان كل كم فتره يشتري شي يا شقق يا بيوت وكنا حنا نطالع البنات بحسره مثل ما قلت ما كلن بخيل بس حريص وأمي ما قدرت تتحمله لانه عنده وتطلقت منه وتزوجت واحد ثاني وابوي تزوج وحده صغيره يومها وحنا تزوجنا الحمد لله بسسس اللحين اشوف ابوي تغير ابوووووي غيييير حنون على بناته وعياله ويصرف عليهم بالهبل ولا يحسب حساب شي ونفس الشي زوجته كريم معاها وحبيب ولا يهاوش ولا شي ويخاف عليهم من الهوا مرات أسرح فيه اقول معقوله هذا ابوي واشوف بناته وحده بالثانوي ووحده في الجامعه وجالسه تجهز لزواجها وفوق مهرها يقولها اي شي تبينه قولي ويعطيها وتسولف معه عادي وتضحك واحنا اول يا ويل اللي يتنفس وهو موجود يشهد ربي مو حسد بس غبنه اقول هذي الفلوس كلها طلعها على حسابنا ولا تهنينا فيها وصارت لهم جتهم بارده مبرررررده وعياله توهم ثانوي وأولى جامعه وكل فتره يبدلون سيارات واذكر اخوي الكبير كانت سيارته يوم عنده واسبوع في الورشه ويقوله ما فيها شي عادي تمشي ويوم طلعت روحه راح اشترا له سياره جديده حتى امي مسكينه تزوجت واحد مو أحسن من حال ابوي قبل بس أهون شوي اذكر بأيام جهاز اختي الكبيره كانت تبي اغراض وتشطب وتضيف تبي توفر حقه ولا عطاها شي ممممممدري من زمان افكر وشاغل بالي هالموضوع واللحين ابوي طيب معانا يسال عنا يزورنا عادي بسسس مدري ليه منغبنه على حالنا اول وعلى حال امي بنات أقولها مره ثانيه وربي مو حسد ولا شي بس ابي اعرف ليه الواحد يتغير ليه صار معنا كذا ؟