ابي اعيييييييش !

بسم الله .. 

حابه افضفض وبنفس الوقت تخيلو نفسكم مكاني 
انا كنت دايم ادعي اني انخطب من كثر م اسمع ان صديقاتي ينخطبون ويجييهم عرسان ويسولفون ع بعض وانا م جربت هالشي واكون ساكته معهم وهالكلام من خمس سنين واللحين عمري 23 وهالفتره انخطبت حول 15 مره ولا يتم شي ولا يصير نصيب .. وكان ربي استجاب لي دعائي اني انخطب فقط .. 
بتقولون ليه مستعجله توك صغيره يشهد الله هالفتره صار شغلي الشاغل انا عاطله ولا عندي مصروف والله ثم والله اني اقعد ب الشهور م اشوف الشارع وفي السنه مره اروح السوق وبعد صعوبات ولا ادرس ولا نزور احد ولا متوظفه وماعندي اي وسيله تشغلني والله ان حياتي انام واقوم واكل بس ( الحمد لله ) لكن انا روح .، ابي احس بوجودي ابي ادرس ابي فلوس ابي اطلع واتمشى واشتري واتقضى واجيب كل اللي بخاطري مثل البنات اللي في عمري 
جوالي ب السر .. صديقاتي ككككككلهم تزوجو وانجبو وكملو دراسه وانقطعو عني وكلن عاش حياته .. ي بنات احس عمري يمشي م انجزت م حسيت بوقتي ابي احس اني عايششششه ابي اعييييييييييش .. م بيدي حيله لا تقولون اطلعي روحي سجلي بنادي اهلي رافضين كل شي ومتشششددييين ولا نطلع ولا نتمشى بس في هالبيت بين هالجدرران ! 
ي بنات انا قمت احسسسد وانا ماكنت كذا غصب عني والله اشوف صديقاتي طلعاتهم اطفالهم اجوائهم واتمنى !!!! 
اشوف زوجة اخوي كل يوم سوق كل شي تسويه وتجيبه وانا يدي ع خدي واشوف دلال اخوي لها 
قمت اطالع ف الناس من فضاوتي ومن روتين بيتنا الكئيب اللي عزلنا عن العالم 
وانا حتى مستشفى مقدر اروح له واذا رحت ل سوق والله اجيب دبل احتياجاتي ل سنه قدام لاني بعدها مراح اطلع .. فررراغ قاتل لا دراسه لا وظيفه لا زواج لا اطفال لا حريه 
تعبانه نفسيتي محتاجه اتنفسس واعيش واحس ب قيمتي .، 
لكن الشكوى لله .. 
اعتبروها فضفضه من اخت ل اخت 
لحد يعترض وحطو نفسكم مكاني ولا تقولون جربي تكلمين اهلك لا حياة لمن تنادي 
والله مسجونه ف سججججن لا يعلم به الا الله مالي اي حقوق 
وحسبي الله ونعم الوكيل