يعطيكم العافيه بنات على آرئكم وذوقكم الرايق

عايشةالحلم والله مدري وش اقولك يسلمك ربي ياقلبي

بالنسبه للتلفزيون انا ليش قلت اجيب استاند عشان المكان واسع

وياليت تشوفين شكلنا وحنا نتابع التلفزيون لاصقين عشان نشوف واضح وبالنسبه للجلسه

فيه مجلس شعبي غرفة طين نجلس ونتقهوى فيها لو بتلاحظين الباب حقها في صورة المدخل

هذا بس للعيال وإذا حبينا نشاركهم جلستهم عشان كذا ماادري وش رايك يعني اشيل فكرت الأستاند

من راسي والا فيه ديكور يناسب له

وبالنسبه للستاره اللي عند البراده اسويها نفس ديكور الستاير اللي عند الجلسه والا اغير ديكورها

حبيبتي عايشة الحلم تسلمين والله وماقصرتي وابشرك اليوم لقيت المكتبه

الكبيره وفيها تلفزيون كبير يعني الجزء الأول تقريبا خلاص

نجي للجلسه بالنسبه للكنبتين اللي تقولين يعني احط وحده عند البراده

ووحده عند الشباك اللي مقابل الجلسه اللي هوقريب من الشباك الأول

لاحظي ان بينهم باب المستودع مل الصوره الأولى

والجلسه فيها شباكين متقابلين وواحد اعلى من واحد

اما المدخل انتي تقولين لازم اليمين مثل اليسار مااقدر لأن يمكن انتي مالاحظتي

ان الجهه اليسار للمدخل فيها الشباك حق الغرفه الطين اللي كلمتك عنها والصوره الثانيه للجهه اليسار

مرحبااا

ممكن اختي تعطينا مخطط لشكل المكان كامل ... رسم توضيحي بسيط ....

ابشري حبيبتي والله ماطلبتي شي انشالله بتشوفين الصور

بس حبيبتي خايفه اطوله معك واطفشك بس تحمليني لين اخلص

كل الأفكار اللي عطيتيني حلوه مره وبالنسبه للزوايا اللي عند المدخل والزاويه اللي عند البراده

فكرت احطها اعمده ويمكن يكون لونها بني بتكون حلوه والا لا

وبالنسبه للشبابيك اللي قريبه من بعض لو بتلاحظين ان فوقهم تمديد التكيف ماادري وش رايك لو

ادخلته مع الستاره يعني الستاره تبتدي من بداية السقف الى الأسفل بيكون حلو والا غبي ركزي لي

عليهم تكفين لأنها مقرفتني بالمره

والرسم اللي على الجدار تقصدين اللي عليه الشباك الشعبي والا الثاني اللي في صف الباب

والطاوله اللي في الوسط تقصدين اني احطها قبل الجلسه يعني بتكون تقريبا عند الفتحه اللي فيها

الباب اللي يدخل للبيت ويا المغسله الواضحه صورتها

حبيبتي والمدخل اللي عند الباب ممكن اشيل المرايه واترك القاعده واغير تحفها

والا اغيره كامل وكل الطريقتين عادي بالنسبه لي

انا ما قرأت ردود البنات بس ...............


كل اللي اقدر اقوله لك ..

انك تحددي خطواتك المراحل الميزانية .. الالوان .. الستايل اللي تحبيه ..

بعدين .

1. تغيري الدهان ولون الجدار لو تحبي الابيض تقدري اتسويه ابيض بس تخلي فيه تعتيق .. او حركات مو تخليه الون ساده ..

2. غيري اللارضية ... لأن لونها قاتم .. اذا عندك عادي السيراميك غيريه لانه بيعطي فخامه للمكان .. وتقدرين تشترين قطع سجاد فوقه .. او اذا لا ما تحبيه افرشي المكان كله سجاد جديد .. بس اختاري لون متوسطه درجته يعني مو غامق واااجد ولا فاتح واااجد ..

3. انا افضل اذا بتشترين كنب تأخذين اللي ستايلهم عصري مثل الصور اللي عرضتهم الاخت .. لانهم جدا مريحين في الجلسة واحسن من جلسة الارض .. عن تجربه ..

4. لا تنسي الاضاءة اذا تقدري تحطي ثريات او سبوت لايت يكون احسن .. اذا ما تقدرين اشتري اباجورات طوال او صغار وخليهم في الزوايا ..

5. الاكسسوارات تعطي مظهر للفخامه . .. فلا تنسيها ..

6. عندك التلفزيون اخذي له مكتبه كبيرة تناسب ستايل الكراسي وتقدري تستخدميها للتخزين اشرطة البلاي ستيشن .. وكل شئء ..

7. اخر شئ .. اذا عندك اي شئ قديم ما يتناسب مع ستايل التغيير الجديد فلا تخليه افضل انك تستغني عنه عن اتخليه ويشوه المكان ..

ولا تنسينا من دعواتك الحلوة .. وان شاء الله يطلع المكان حلو .. عاد راوينا اياه واذا تبغين اي مساعده حاضرين لج .. أمري بس ..