ابي اغير فرش البيت من تساعدني

هلا اخت ثلاجة
البلاستك عملي ويطول ا لى حد ما. ولكن تراة مايدوم ويبغى محافظة وحرص عند الغسيل وتنتبهي من سحب الأشياء الحادة والثقيلة.يعني ممكن تحتاجين لتغييرة بعد فترة.وبعض البقع ماتروح من عليه خصوصا الخدوش وآثار الندبات.
اما السيراميك عملي اكثر.وتقدرين تاخذين من الأنواع الرخيصة اللي تكلفتها تكون نفس تكلفة البلاستك.ويوجد بالأسواق انواع حلوة ورخيصة .وما يتغير ولا يتاثر بالخدوش.
انا عن نفسي جربت الأثنين.لقيت السيراميك افضل ومايخرب مثل البلاستك.توكلي على الله وحطي سيراميك.

الله يجزاك خير اختي fanar2بس المشكله زوجي شال من راسه السراميك خلاص وش البلاستيك اللي نوعه حلو وجديد ورخيص ووين القاه وشكرا:26:

السلام عليكم

في نوع احلى من السيراميك والبلاستيك وهو
الخشب بس يكون خشب معالج وضد اي شغلات تسمعين عنها ويكون متره بـ120 او 150 بس فيه ميزه روعه وله الوان مختلفه وهو اذا نقلتي من البيت حقك ممكن تكلمين الشركه ويفكونه لك وتاخذينه معك في اي مكان ثاني وهذا اروع شي وطريقة تركيبه ماتخذ نص ساعه للغرفه لانه بدون صمغ يعني حتى مايخرب وعليه ضمان 15 سنه ولا يتاثر بالمويه الا بعد 6 ساعات من غرق الخشب ولاحظي انا قلت غرق يعني لما تمتلئ الغرفه مويه مايتضرر الا بعد 6 ساعات وممكن تمرين وتشوفين النوعيات ويحكي لكم الللي تبغينه وهو في طريق التخصصي واسمه محله مدري وشو ارضيات خشب..

واذا تبغين بلاستيك انا شفت في محلات طيبه عند الموكيت بلاستيك مرره حلو وكانه سيراميك بلجيكي او الماني واسعاره مو غاليه مره 23 تقريباًهذا اللي اذكره بس نصيحه لاتحطينه جنب دورات المياه (اعزكم الله) لانه البلاستيك يتاثر مرره من الماء وميزته بعد انه مايسبب ضوضاء وضجه مثل السيراميك

وسيراميك حلوو بس اذا كان زوجك سشال الفكره خلاص غير وجهتك

وياليت تردين وش صار عليك

والله شي حلو اللي تقول عليه الأخت الفجر البعيد.ياليتني دريت فيه قبل لااحط سيراميك.بس ما عليه.كتبة الله.
بعد انا احب الأرضيات الخشب عشان كذا حطيت سيراميك خشب.حسافة.
يالله الحمد لله بعد اللي حطيته حلو.

الله يجزاكم خير اخواتي بس عندي سؤال للفجر البعيد الخشب اللي قلتي عنه مايجيب الحشرات والصراصير الصغيرة مثل المطابخ الخشب لان هذا معروف عنها ولكم جزيل الشكر وتقبلوا:26: :26: