ابي اغير من شخصيتي

السلام عليكم ورحمة الله وبركاته
كيفكم اخواتي
يااخواتي انا اعاني من شي في تعاملاتي مع صديقاتي ومع اقاربي ومع زميلاتي بالعمل وهو ان اي شي اسويه مثلا خدمه سؤال كلام اقوله مااحد يهتم منه مثل ماتقولون مالي اي اهميه رغم اني بشهادة الجميع مااكذب ولاعمري نقلت كلام ولااجرح احد واي شخص يطلب مني خدمه اسويله باللي اقدر عليه مااحسد احد ولله الحمد
ولكن يحز بخاطري لما اشوف حواليني استغفال ونكران جميل وكلامي ماله اي اهميه وتعمد البعض بتهميشي
وكمان حتى بالعمل لو الكل ينشكر انا اسمي يسقط رغم اني مخلصه بالعمل وممكن انا وزميلاتي نكون نفس المجهود ونفس الانتاج ولكن هما يسمعون ثناءات وانا لا
لأعلم هو استهانه بشخصيتي او بطيبتي او هدوئي
احيانا اقرر اني اتعامل مع الكل حتى مع صديقاتي برسميه بس مو عارفه واصلا محد يهتم لو اغيب شهر لأنهم عارفين متى مااحتاجو شي انا موجوده
بستفسر منكم كيف الطريقه الافضل بالتعامل مع الناس برسميه وكيف ارد اعتباري واخلي الكل يعرف قدري لان هالشي جد اتعبني شعور صعب ان تكوني مهمشه وسط اشخاص تتعاملين معهم