ابي افاكار حلوه لحفله ملكه لاهنتم ^_^ الله يسعدكم دنيا واخره يارب

طيب اختي اولا حددي الملكه وين راح تكون باستراحه والا شو

وميزانيتكم وابشري الحين اطيرك بافكار

فديتك يالغلا ربي يسعدك بستراحه والميزانيه الحمد لله متوفر ربي يسعدك والله فرحتيني بردك الله يوفقك دنيا واخره يارب دعوه لك في ظهر الغيب بإذن الله

شوفي حبيبتي اهم شي يكون الحفل بسيط يعني مو متكلف

بالنسبه للدبل اخذي لك مخده للدبل مثل هذي

انا صراحه بزينها لملكة اخوي بيدي

ثاني شي انتي لاتكونين متكلفه حييل بلبسك ومكياجك يعني لاتسوين كل شي وتخربين على روحك العرس

بامكانك تشترين هديه لزوجك وتقدمينها له يعني كمفاجأه ماراح يتوقعه

وبعدين بالنسبه للزفه فيه اغاني زفات بدون موسيقى وحلوه يعني روحي حق المحلات وقولي ابي اغنيه (اختاري اي اغنيه مو شرط تكون زفه بس تكون كلماتها مناسبه ) وقولي ابيها بدون موسيقى عندك مثلا اغنية يلوموني لراشد الماجد ممكن تلقينها بدون موسيقى بصوت احد ثاني

عندك زفات احمد دي جي روعه تلقينها بالنت اكتبي زفات احمد dj

سوو توزيعات مثلا بحيث انه تكون التوزيعه شي الناس يتمسكون فيه

يعني مو يقطونه يعني اغلب الاشياء يقطونها ياخذون منا ويقطون منا وخساره صراحه والا لاتوزعون شي:)

راح ارسل لك رابط الزفات مالت احمد


مثلا لما تدشين ابتسمي ولاتخلين حالك اللي يشوفك يقول ع بالها الوحيده االلي تزوجت

كثير بنات اشوفهم بملكتهم مايقص راسها سيفين

يعني تعاملي بطبيعتك واهم شي الحيا والذرابه

شوفي فيه شي صرااحه انا افكرفيه انه اهل زوجك تحاولين انتي تسولفين معهم

ملكة اخوي بعد اسبوعين واسال الوالده نروح نسولف معها وجذيه قالوا خواتي مايمدينا يعني بيكونون خالاتها وعماتها وبناتهم ماخذين الجو


فافضل انه لما يسلمون عليك وزي كذا حاولي تخلين وحده منهم تسولف معك وهم بيجون عقب <<< يغثونك


ارجع لك بافكار

طبعا الشبكه لو عندك حطيه بصندوق ولو هم يجيبونها بكيفهم يحطونها لو بكرتون :)

ارجع لك بس ولدي جنني

هههههههه مكن اخش عرض واطلب افكار لزواجي؟
بعد اسبوعين ومرره مافي بالي شي

شذا طيبه مادري لو صاحبة الموضوع تسمح ابشري نفكر لك بعد

نسنسه اسمعي اكو ثلج يبيعونه في محلات ينور يعني حطيه بالقلاصات مالت عصيرك وعصيره

وهم الكيكه اللي بتييبنونها مثلا باماكانك تحطين صوركم عليها او تكتبين اساميك او كلام حابهانه يشوفه

مثلا ( انتبه تطالع بالحريم )<< اتغشمر وياك

يعني حاولي تبدعين بالشغلات اللي تحسين في الزواج مالك يد فيها

وتحسين ماتصلح للزواج


ممكن تسوون زفه لاهل المعرس لادشوا يعني قولي لاهلك يزينونها اي اغنية عزوه ويزفونهم فيها

الله يهدي عبدالله ولدي مايشوفني الا اذا صرت عند الكمبيوتر