روبااا @robaaa_1

عضوة نشيطة

ابي افضفض لكم تعبت من ابو وجهين

السلام عليكم
كيفكم يالغاليات
ابي افضفض لكم والله فيني ضيقه
مالي الا انتم بعد الله ابي نصايحكم
زوجي طالب من بنتي لصغيره عمرها7 سنوات تجس عند اختها من ابوها عمرها 5 شهور لن بيروح هو وزوجته للمستوصف علما مافيها شي بس مراجعه وانا رفضت لن بنتي ماتبي تجلس عندها وبعدين مسوليه لو يجي للبنت شي بتصير مشاكل

ويوم ارسلت له اني رافضه وبنتي ماتبي ارسلي انتي نجاسه وحقوده
الحين صرت نجاسه عنده واناا اخدمه بكل شي
قسم هالكلمه اتعبتني حيل
وصرت مااكلمه ولاارد عليه ابي يحط لي اعتبار ويحترمني
زوجته لثانيه حاط لهاا اعتبار واذا زعلها يراضيها ويعدل بكل شي معها

اذا جاب بناته عندنا علما البيوت جنب بعض بحوش واحد واناا عاي بناته اقول شي
بس احيانن نفسيتي تتعب قبل لدوره وانتم عارفين هالشي واصارخ ع بنتي اذا اخطت
يفسر رفع الصوت عشان اخوف بنته وتخاف وماتجي شوفو كيف التفكير
قسم يابنات مره جاب بنته وقال لها لاتطالعين فيهااا تروع يابنتي قسم ماقلت شي للبنت

بنات وش تنصحوني فيه كيف اتعامل مع النوعيه والحين ساحب كنب لصاله كله لعانه فيني وحاط مخاد المجلسس

ويسي الظن فيني يقول انتي عاصيه وتطردين بناتي من بيتي

يلزم عليك تسجيل الدخول أولًا لكتابة تعليق.

تسجيل دخول

المطر بنت السحاب • 8 سنوات

الله يسهل امورك ويصلح لك زوجك

السالفة • 8 سنوات

جعله ينفجر لارضي
بنتك وكيفك ماهي خدامه
بعدين بنت ابو 7 سنوات وش تعرف لرضيعه ابو شهور
والهانم ام ريشه وراه ماتشيل بنتها معاها المستوصف ولا دخلت لدكتور تذبها عنده
كيفك حبيبتي بنتك وانتي جعله مارضي طنشي وعيشي واضحكي ماعليك خليه لا طخ بيهدا كل شي

قيودد • 8 سنوات

خليك صارمه وله حدود معك ... مع الوقت يتعود ويحترمك .. واذا انتي مقتنعه بللي تسوينه وانه مو غلط .ف لاتبررين له وتعتذرين.. ولي براسك سووويه
و ما عليك منه خليه يزعل لين يطق عرررقه...
والله بعض الرجال مرض ويجيب الهم ..😡

.. أخت القمر .. • 8 سنوات

قولي له ما لنا دخل بعيالك من زوجتك الثانيه
وبناتي ماهم خدم عند زوجتك
الله لا يهينها تمسك بناتها عندها
بلا مشاكل

روبااا • 8 سنوات

تخيلو الصاله شال كل الكنب لعانه فيني عشانمافتحت له باب لغرفه لن والله مابي اغتح عشان يحط لي اعتبار مو كل كلمه يقولها اطوف مو لهدرجه انااا نجسسه