ابي افضفض لكم _ ياريت تسمعوني

السلام عليكم

كيفكم خواتي ؟

اليوم انا لي شهر ببيت اهلي بسبب مشاكلي مع زوجي والله اني من جد تعبانة نفسيا من كثر همي بس انام

انا زوجي يبي حقوقة كامله المراعاه والطاعة التامة تخيلو حتى الفطور الصباح قبل الدوام يقوم الدنيا علي ويزعل ويقول هذا من حقي عليك .. طيب يازوجي انا لي حقوق والله ياخواتي اني من اول اسبوع من الزواج تاركني ويروح لاستراحتة والاغرب يقول لي اطبخي العشا وبجي ولا يجي الا 12 او 1 وعلى هالحال 7شهور متواصلة غير الخميس والجمعة هذي اكون ببيت اهلي يخليني اسهر لما 3او 4الفجر القهر انة يتاخر بالدوام ويتغدى وينام لما لمغرب يتقهوى ويطالع التلفزيون او النت يطلع اذا صارت 9 وماشوفة الا 1 باليل يتعشى واذا بغى حقة مني ياخذة وينام
مافي حكي مافي اي شي بيني وبينة الا نادرا والله اموت فرحة اذا صحى قلت نجلس شوية وهو مو على بالة شي ومطنش
اخر فترة بدى يتحكم فيني بشكل مو طبيعي لا تلبسي هذا لاتصبغي شعرك الا تستاذني لاتشقري حواجبك الا بعلمي واقولة مو هالدرجة خل لي مساحة اتحرك فيها خل لي خصوصية لنفسي مافي ويعصب , تخيلو مالي 3شهور ببيتة الا لقيتة مكلم وحدة بالمسنجر ويقول احبك واغليك لو تبين الحين اجيك لجدة واتزوجك؟ تعبت وسكت ومافي فايدة بعدها باسبوع قال تعالي معي للديرة قلت بامرح عند اهلي بكمل صيامي فكر قال طيب واناعنند اهلي دق مرة ثانية قال تعالي معي قلت لا مابي معليش هالمرة مابي اروح قال اهلي واهلي قلت بكلم خالتي وبعتذر قال اصلا ماعندك عذر المهم سكر وجلست اسبوعين ببت اهلي ماخذني

تدخلو الاهل ورجعني ونفس الشي يزود صور بنات وخرابيط واحاول اكلمة وبالاخير قلت ماعلي منك خلاص هذا دينك وهذي ذنوبك انا نصحتك وانت زوجي بس ماقدر اغيرك انت تغير نفسك
صارت لي مشكلة على نفس الموال انتي ماحترمتيني ونتي ماتعرفي تراضين وانتي وانتي والله انتي احاول اسوي اللي يبي على قد ماقدر ؟ تخيلو قطع جوالي مايبي يتخسر على قولتة وانا ببيت اهلي!!! ويبني ارجع لة كذا من نفسي مع انة هو الغلطان على حتى اهلة معي وبصفي وامس كلم ابوي يقول خلوها تجهز الذهب باخذ حلالي واذا ماجت باشكيها للشرع وبرجعها
يابنات والله بس اصلي وادعي ربي يصبرني ويهدية والله متفشلة عند اهلي عشان معاملتة لي احس انة يحتقرني
الله يفرج على بس من جد مادري شسوي انا رافضة ارجع من نفسي لان لو رجعت كذا وهو غلطان علي اعرف انة بيستمر وبيزود بعد بغلطة لانة مايحترم احد كلمت خالي وقلت يجي هو وولدة اذا بغو اني ارجع
وهو يقول باخذك ببيت الطاعة
محتارة بامري ومادري شسوي
اللهم اني اشكو لك همي وحزني وقلة حيلتي وهواني على زوجي يارحيم