السلام عليكم ..
انا من فترة وانا اقرا في المنتدى ومضايقني شي .. فيه المآسي كثيرة وما تخيلت ان بيجي وقت اكتب وافضفض وحتى وانا اكتب اقول الله يعين اللي بيقرون لان تعبنا من هالقصص بس ايش اعمل ؟؟ ابي افضفض لناس ما تعرفني ما ابي افضح نفسي عند احد انا انسى وهو يذكرني لآخر عمري L
انا يا طويلات العمر متزوجة من سنة وثمانية شهور ولا يوجد اولاد لسه اللي صار ان بعد عشر شهور من زواجي وانا قاعدة على الكمبيوترالمشترك بيني وبينه – اكيد عرفتو السالفة- انقل ملفاتي باحطهم بلابتوبي الجديد فتحت آخر المستندات ابي افتح ملف صوت دايم افتحه, بالغلط ضغطت على اللي فوقه وكانت الصاعقة مقطع فيديو للي بالي بالكم انا انصدمت قلبي قام يدق بسررعة ومايحتاج اوصف, انا دايما افتح هذا الملف الصوتي من هنا اشمعنى هالمرة ؟ المهم قمت ابكي وابكي من الصدمة والقهر المشكلة انه انسان صراحة في نظري رائع – باستثناء هالشي –يحافظ على الصلاة (لكن مش دايما في المسجد L ) مريحني ويعاملني احسن معامله وانا بعد, المهم رحت وصارحته انصدم وقال لي انه غلطان وجلس ثلاث أيام مكتئب وحزين وارسل رسالة اعتذار طويلة حسيته ندم من قلب كلمته ان الانسان يغلط واذا ربي يغفر الذنوب احنا لازم نسامح لكن المهم ان الانسان يعرف خطئه وانه اخطأ في حق ربه قبل كل شي وفي حق نفسه وفي حقي المهم شفته يبكي تأثرت وسامحته والله يشهد .. ومشى الحال تمام بعد ست شهور كنت في المطبخ وهو في الصالة على الكمبيوتر اول ما دخلت سكر شي بسرعة جيته لقيت مافي شي قلت بكل براءة ايش كنت قاعد تشوف – وهذا سؤال معتاد بيننا - قال ولاشي قلت له مو معقول قاعد طول الوقت تطالع الدسك توب المهم صرفها بصراحة رحت وفتحت المستندات الأخيرة وكانت الطامة نفس الشي بغيت اموت وين راح البكى والندم استنيت كم يوم حتى مايحس وكلمته بالتلميح وهو ولاكانه مسوي شي وموافقني الراي وانا بصراحة ودي اعطيه بوكس و بس انصح من تحت لتحت وانا الحمد لله مااخلي قيام ليل ودعاء وهذا من اول واقول خله مسيره بيتأثر وبيستحي من نفسه ويبطل بس اهم شي افتح عيني وخليته يحافظ على الأذكار وهدأ الجو ومن شهراكتشفت انه رجع لنفس المصيبة وصراحة صارت هوشة ماكلمته اسبوع ونص لين مامات وبالموت صالحته بس قلتها كاش ما عاد اثق فيك ويبيله وقت ترجع الثقة وان شفت هالشي مرة ثانية لو عيالي طابور قدامي راح اتركك ماارضى اعيش مع واحد هذه اخلاقه ولا اسمح له يكون مسؤل عني ويربي اولادي وانا اعني كل كلمة وعدتها عليه انه لو رجع بينهي الحياة بيننا,وتكررت المأساة امس وريته اللي شفته كاش اختبص وتفشل من نفسه وانا المرة اللي فاتت كنت قلت له اذا ترضى اشوف معاك هالشي شوفه وجيبني اشوف معاك إذا هو ماهو غلط وكل ماجيت تشوف تذكرني فقلت له امس بكل هدوء يلللا خلنا نشوف طبعا ماقدر وسكر اللي فتحته على طول وقلتله انا مافتحت اشوف الا عشان ااكد لنفسي انك بطلت وانا اوسوس لكن للأسف ما صار, و خذو لكم من الكلام : انا عارف اني غلطان لكن مايسوى ننهي حياتنا, لا تقولون افتش والله بالشهور ما افتح جهازه وكله على لابتوبي لكن اذا جيت اتاكد انصدم, المسألة يابنات انها مسألة خوف من الله إذا انعدم ايش بقى انا اعرف ان الشيطان يزين له لكن لمتى يقولي نفتح صفحة جديدة مافيني شي يسوى ؟ قلت له كل شي فيك يسوى بس هذا خرب كل شي وكتابنا صار كله صفحات جديدة انا لازلت اعني كلامي وابي اتركه وابقى على الذكرى على الاقل مش اضل حياتي مصدومة ومتضايقة وانا في بيت اهلي ما كنت اعرف البكى كيف طبعا هو مش مستوعب وانا ما عاد بيدي شي ..
على فكرة انا من فضل ربي جميلة بشهادة الجميع ومو مقصرة معاه بأييييييييي شي بلسانه قالها حتى من دون مااساله .
وبس الآن ارتحت اني تكلمت .
متفائلة بس ... @mtfayl_bs
عضوة جديدة
يلزم عليك تسجيل الدخول أولًا لكتابة تعليق.
يا قلبي هو صح اللي سواه غلط و حرام بس مو لدرجة انك تنهين حياتك معاه
ازعلي منه وانتي في بيتك لحد ما يتادب ما دام هو طيب ليه ما تصبري
ازعلي منه وانتي في بيتك لحد ما يتادب ما دام هو طيب ليه ما تصبري
صح اللي سواااه حراااام بس مو لدرجة الطلااااق لان اللي فهمته انهى يشوف اشياء ماتصلح يعني مع الوقت ان شاء الله بيتركها بس الطلااااااق نو وي
يالبى قلبك يا عمري..
هذا الحياه مو كل شي بيكون سهل و حلو فيها..لازم تكونين أقوى من كذا بكثييييير و ترى الرجال ما ينفع معاهم اسلوب التهديد حاولي قد ما تقدرين أنك تاخذينه بسياسه..شوي شوي لين ما ربي يهدي النفوس..و الله يعظم أجرك على صبرك..
هذا الحياه مو كل شي بيكون سهل و حلو فيها..لازم تكونين أقوى من كذا بكثييييير و ترى الرجال ما ينفع معاهم اسلوب التهديد حاولي قد ما تقدرين أنك تاخذينه بسياسه..شوي شوي لين ما ربي يهدي النفوس..و الله يعظم أجرك على صبرك..
الصفحة الأخيرة
موفقة يارب