ابي افكاركم الحلوه لتزيين الدفاتر

طيب قصدك اي دفاتر تحضير والا طالبه..؟:26:

لا دفاتر الطالبه

شوفي حبيبتي اذا كنت تبغين تزيين الدفتر من برا خذي هذي الأفكار..
1* ممكن تستخدمين أسيام الفرو اللي تنباع في المكتبات وتتثنينها بشكل حلزوني
من الطرفين بحيث تكون ثنية الطرف الأول عكس الثاني وتحطين بجنبه أي شي ممكن يربط بالماده الدراسيه هذي..
2*ممكن تستخدمين المحدد الذهبي أو الفضي على أرضية شامواه"التجليد اللي ينباع في المكتبات" بلون نيلي أو أسود وممكن تستخدمين فصوص الكوي إذا حبيتي..
3*أو تغلفين الدفتر بقماش ساتان لؤلؤي وممكن ترجعين لموضوع الأخت ندى المزن لأن فيها تصميمات رائعه..
4* أو تغلفين الدفتر بالتجليد الشامواه وتختارين له بطاقه جاهزه أو من تصميمك تكون متناسقه معها..

هذي بعض الأفكار وان حصلت لك أفكار زياده راح أرجع لك ان شالله..

أتمنى انها تعجبك وعوماً راح أحاول ان شالله اني أرسل لك صور مطبقه..

واذا كنتي تبغين طرق للتزيين من جوّا الدفتر ما عندي مانع..

أختك المحبه.....sosah:55:

يسلمواsosah على الافكار الروعة

اليوم بنتي طلبت مني ازين لها دفتر التدبير المنزلي

وقالت ان المعلمة نصختهم باستخدام القصدير في تغليف الدفتر والصاق الصور المنزلية عليه

لم افهم ماتقصده فلعل لديكم فكرة عن الطريقة المناسبة

ايضا ماذا عن طرق تزيين الدفاتر من الداخل

مع الشكر لصاحبة الموضوع حسناء

أختي الغاليه أم الحنان..

بالنسبه لفكرة القصدير مع اني ما احبها لكن باشرحها لك..

تجيبين قصدير عادي وتغلفين به الدفتر اما شكله اللي أول ماتفردينه قصدي بدون ما يكون متكرمش أو انك تكرمشينه بعدين تفردينه وتغلفين الدفتر فيه..:24: حلو..

بعدين جيبي صور راعي انها تكون متنوعه مثلاً صورة لغرفة نوم وصوره لكيك وصوره لفستان ونسقيها بمعرفتك

والمسافات اللي بينها أقصد الفراغات اللي راح يبين فيها القصدير وتحسين انها طالع شكلها مو بالمره ممكن تجيبين

ألوان زجاج وتسوين خطوط عشوائيه بس لا تكثرين عشان ما يتشوه شكل الدفتر وتنوعين في الألوان..:24:

أو ممكن انك تحددين كل صوره بالمحددات..:24:

هذي بالنسبه لأفكار التغليف بالقصدير..:27:

أما تزيين الدفتر من جوا..اممممم...ممكن انك تروحين أبو ريالين تلقين عندهم اللاصقات الصغيره مره على شكل

نجمات وبارزه شوي تروحين لأعلى الصفحه اللي راح تزينينها على الزاويه اليسرى مثلاً وتحطين لك عدد معين من

النجمات بس يكون لون النجمه نقي شوي يعني مايكون باهت مثل الأصفر يعني اختاري الون الفوشي أو السماوي أو

الموف مثل كذا..وبعدين حددي بقلم حبر بنفس لون النجمات على أطراف النجمات يعني تخلينها كأنها طالعه برا

الصفحه وتسكرين المربع بالقلم الحبر..

يمكن الشرح ما يكون واضح بالمرة..بس عشان أوضح لك تسطرين الورقه بالمسطره من الجهة اليمنى والسفليه

باستقامه يعني تمشين على تسطير الدفتر أما العلويه تبدين تسطرين من اليمين الى ان توصلين للنجوم بعدين تمشين

على حدودها من أسفل كأنك تقطعين جزء من الورقه وتشبكين هذا الخط المتعرج بالخط الأيسر..

أتمنى ان الفكرة تكون واضحه..:27:

عموماً باحاول قد ما اقدر اني أنزل لك الصور..:24:

وفيه أفكار ثانيه بس أتوقع لازم تشوفين صورها لأني ما راح أقدر أشرحها..:26: