ابي افكار لعمل هدية لزوجي

هلا غدير الشوق

انا عندي لج جم فكره انشاءالله يعجبونج

1 - اخذي ورق الطباعه A4 بعدين نقعيه في محلول النسكافيه شويه بعدين طلعيه

وخليه ينشف , بعد ما ينشف حطيه بالكمبيوتر ودخلي على برنامج word اطبعي

بعض الكلمات الرقيقه مليانه حب بعد ما تطبعين اخذي الورقه و احرقي اطرافها

علشان تبين كانه من العصور القديمه 0

2 - اذا عندج قصدير مخلص اخذي الاسطوانه اذا كان طولها 30 سم قصي الطرف

العلوي يعني حوالي 5 - 7 سم بعدها اذا عندج خامات زايده وليكن شامواه

نلزقها بالغراء على الاسطوانه ونغطي طرف والطرف الاخر يكون مفتوح ونفس

الطريقه مع الغطاء وحاولي تزينينه بالورود المجففه او الاصداف او اي زينه

تعجبج بعدين حطي الورقه اللي طبعتيها داخلها بس تكونين لافتها بشكل اسطواني

اذا بقى عندج من الزينه ورود او اصداف حسب اللي انتي حاطته حطيه داخل

الاسطوانه 0

3 - حطي الهديه في مكان معين تكون فيه الاضاءة رمنسيه او حطي شموع حوالها

ومن عند الباب انثري بعض من الورود الطبيعيه بحيث لما زوجج يدخل يستدل

على الهديه بالمشي على والورد

وفي النهايه اتمنى اني اكون فدتج ويكون شرحي مفهوم والله يوفقج وعساكم مع

بعض طول العمر والله يهنيج معاه 0

تحياتي

كركر :27:

شكرا لك 00كرميلا 000 فكرتك حلوة مرة احاول اجربها 00لكن انا قريت من زمان عن كيف اسوي درع من الرول حقت المناديل ونسيت وشلون الطريقة والخامات 000ياليت الي تعرف تقول لي 000

ممكن تاخذين صندوق خشبي فخم .. وتنحتين عليه تاريخ زواجكم واسمك واسمه او حرفكم ..
وتحطين داخله اول هديه عطاج .. او ممكن شمع انتي تسوينه وورد:) او اي شي تبين:)

او اذا هو يحب الكمبيوتر ممكن تطبعين اول صوره لكم على القاعده اللي ينحط عليها الماوس مع كوب فخم فيه صورتكم .. ممكن اتسجلين له بصوتج شعرر او نشيد واذا صوتج الله بالخير:) ممكن بس تلقين شعر وفيه برامج وايد حلوه عشان تحطين خلفيه موسيقيه وحركات لصوتج ..

ممكن بعد تروحين محلات الورد يسوون لج شمعه ويحطون فيها صورته وينحتون عليها شعر من ورى او كلام يعجبج

وواذا ماعجبوج قولي لي وانشاءالله افيدج .. أدعي لي :)