الافضل انك تسألينها وش الاشياء اللي مابعد اشترتها عشان تستفيد من هديتك

موفقة ياحلومة

النزالة أحس يالحبيبة ماتحير
مالك إلا لفة على محلات الأوني ويطلع لك كم فكرة
مثلاً صياني تقديم الفطاير الغريبة يعني الي تجي قزاز مع فضيات أشكالها رووووووووووعة تلقينها بمحلات ابوريالين الكبار أو محلات الأواني بالعويس ودايل وترى اسعارها حلوة مابين 150 إلى 200 ريال
وكمان فيه الصياني البايركس للطبخ بس تجي اشكالها حلوة يعني مع فضيات أو تجي بوسط حافظات حلوة
وفيه بعد حركات تقديم الفطاير اللي على خوص وخيش وحركات غريبة بعد (وهالحركات دائماً اشوفها بمحل السعر الأخير للأواني بالشفا)
وممكن تحفة غريبة وتغلفينها بطريقة حلوة

وفيه حركة مرة تعجبني وتميزت فيها أمي(الله يطول بعمرها) دائماً وهي صندوق فخم وتعبيه سجاجيد للصلاة اللي تكون طقم بأجلتها وتكون حلوة وفخمة
وبالنسبة للتغليف لا تحتارين انتي أخذيها لمحل التغليف وتشوفين عنده طرق راح تحيرك كيف تختاري منها

هذا اللي جا في بالي هالحين وإن شاء الله أكون أفدتك


وهذا الرابط إن شاء الله يفيدك
http://forum.hawaaworld.com/showthread.php?t=1139994

شوفي ياقلبي اشتري لها عجانه من كينوود الاصليه والله ان تدعي لك كل مابغت تعجن ولا فكره ام الهياثم الله يطول عمرها وامي وجميع المسلمين راااااااائعه

ايه نسينا العباره ياحلومه


ترا البطاقات الجاهزه يجي فيها عبارات

ولا مافيه الاتسوين لها تصميم باسمك وتكتبين عليه دعاااااء وتسحبينه من الجهاز

البنات ماشاء الله ما قصروا..
بس ابعدي عن الاشياء التقليديه لانه اكيد بيجيها مثله..
مثل طقم السفره والمواعين الا اذا كان شيء غريب..
والتحف والابجورات حلوة و اكيد بتستخدمها لان البيت جديد واكيد فيه اماكن كثيره فاضيه..
وحلو لو كان عندها اطفال انك تجيبين لهم شيء..
يعني صندوق العاب وحطي فيه كم لعبه او تحف واكسسوارات خاصه لغرف البنات..
وبما انها صديقتك اكيد انك تعرفين وش اللي عندها من بيتها القديم ووش اللي ماعندها وراح تحتاجه..
اما العبارات ابعدي عندي لا اجيب العيد <<فاشله في الكتابه هع
وعلمينا وش شريتي لها وياليت بالصور :)