ابي اقضي فراغ عصافيري بفايده بالرياض

مرحبا
عزيزتي عتاب السنين تصدقي انا دخلت علشان احط نفس الموضوع وفعلا احتاج احد يدلني على مركز صيفي ينظم وقت الاطفال ومنها يستفيدوا منوا اتمنى انوا احد يساعدنا
واذا عرفت اي معلومه ان شالله ادلك
تحياتي

يابعد عمري يااعقد اجل انتي نفس الحاله ...

يارب تحميلك اطفالك ..

لو يدرون كيف الام والابو يهاجسون في راحتهم ... الله يجزي والدينا الجنه

تحياتي يالغاليه...:26:

........اهليييين اختي.....

انا ماعندي اطفال حاليا..بس حماتي اخت زوجي..بناتها بسن بناتك تقريبا..

سبع وخمس سنوات..ويتصبحون ويتمسون على ديزني وكارتون وسبيستون:mouse:

المهم الآن مسجلتهم في الندوة العالمية للشباب قسم البنات طبعا.....

فرعهم ايام الدراسة في الروضة وعادة في الاجازات للاقبال الشديد يكونون في احد

مباني المدارس الاهلية التربوية مثل الرواد...

عموما...جدولهم متنوع وراااااااااااااائع بشكل..لدرجة ان بنتها الصغيرة شيطونة

ومايمسكها ولايعجبها شئ ومع ذلك اذا بغت تهددها ..تمنعها من الروحة..والبنت تصير كذا:27:

الجدول العاب وسباحة وقران ومسابقات حركية وتربوية وزي كذا...والحلو اكثر شي انهم مخلصين لك

يعني مو مثل المراكز اللي مالها هدف الا المادة:(

ام لولي الله يسلم عمرك حبيبتي ويرزقكي الزريه الصالحه يارب...

بس ليتك تعلميني وين مقرهم ...

والي يشتلغون فيها وش جنسهم...

وكم تكلفتها بالشهر او باليوم هي ...

ان ماكان عليكي كلفه ليتك تجاوبيني


مشكوره للمره الثانيه ...:26:

الأخت أم لولي هل تعرفين مركز آخر يعلم السباحة والرياضة للبنات الصغيرات في غرب أو جنوب الرياض وهل المركز الذي ذكرتيه يكون في صيف كل عام وهل يوجد للندوه مراكز أخرى وهل هناك رسوم تدفعينها