ابي اقطع الرضاعة الطبيعية و السبب ......!

السلام عليكم و رحمة الله ،،

بنات ..
أنا بنتي عمرها 25 يوم .. و أعطيها طبيعي قليل ﻻن احس اللي فيني حليب شوي .. و أكمل لها بالصناعي ..

مشكلتي هي 》 تطلع فيني ريحة شينة .. مرة ريحة عرق ، مرة ريحة حموضة ..
رغم نظافتي ..
و هذا الشي كان من ايام الحمل و للحين مستمر معاي ..
عاد انا وراي دوام و الحين حر و صيف .. و ما اتحمل اسمع تعليقات و كلام بايخ و هم مو عارفين سبب اللي انا فيه ...

أنا قالوا لي سبب الروائح هي تغير الهرمونات و طالما ارضع بتظل هرموناتي مخربطة ..
و ايضا سبب الروائح حليب الصدر .. ﻻن يكون ساخن فيسبب عرق و هو نفسه يطلع ريحة ، طبعا في حريم ماتطلع لهم روائح وهم يرضعون .. يعتمد على الجسم و على ريحة حليب اﻻم ..

شرايكم .. اقطع الرضاعة او ﻻ ؟
هو اصلا حليبي كلش قليل ، مو مثل ما اسمع من الحريم انه يسرب من الصدر و جذي .. بالعكس ما اشوف يسرب و يوسخ ملابسي .