لفت انتباهي شيئيين

1_ شرط ابيض البشرة _ اختي الاجر مايعرف ابيض واسمر وحنطاوي ياليت نشيل العنصريه شوية وحتى لو عندك سبب خاص مااشوف له داعي ينقال هالشئ بالمنتدى

2- بترضعينه وبترجعينه هو طفل مو لعبه ومن البداية اثرتي ابنك خفتي هاليتيم يخلص عليه الحليب ابي انبهك لقصه سمعتها من احد المشايخ واحد يتيم ام كان مرت ابوه تفضل ابنها تعطيه حليب اكثر لمن تملي الكاسة تملي كاسه ولدها اكثر وهاليتيم لاحظ وحزت بخاطره يقول يوم كبرت وتوفت مرت ابوي كل شوي تجيني بالحلم تطلب مني السماح عن كاسه الحليب لانها كسرت بخاطره

ولا تقولي بيبي مايفهم البيبي يفهم ويتعلق بأمه وباللي دائم يشيله ماتشوفين بعض الرضع يستنكرون احد يشيليهم غير امهم ؟


الله يأجرنا واياك

اللي اعرفه ان الاجراءات صعبه ومو اى عائلة سهل عليها تكفل يتيم ويعيش معها في البيت هذا الوضع عندنا بالقصيم بس مادري عن باقي الاماكن ..
قبل ماتبدين بفكرة تبني الطفل لابد ان يكون المحيط اللي انتي فيه نظيف افكارهم راقية يطبقون تعاليم الدين الاسلامي بشكله الصحيح مو ناس تتكلم ولاتفعل لان الطفل راح يكبر ويواجه مجتمعك الذي لايرحم احد ..انا لو بمكانج اروح للطفل بمكانه في الرعاية وارعاه عندهم وازورهم ويكون فيه زيارات للطفل لبيتكم حتى ما ينصدم بعدين .. اتمنى ان لاتفكري فقط بنفسج وبحاجة فقط ان تكفلي يتيم مهم جدا شعور اليتيم لو جرحه احد من الاقارب مثلا ..

انا اعرف وحده تقول قريبه لها اخذت يتيم من مستشفى الولاده بس اشترطو يكون احد يرضعه وبعدها والله ماعرف وش سوت

الله يكتب اجرك ويكثر من امثالك

خيتي و الله بدور الرعايه معاناه فضيعه

من الناس اللي تجي تكفل و بعد فتره ترجع

وربي قمة التعب منهم حسبنا الله وكفى يحسبوها لعبه

و تعالي شوفي نفسية الطفل وقتها

يأخذو و يرجعوه لذلك صارت المعامله للكفاله جداً صعبه

لازم تتأكدي تمام من رغبتك لأن كل اللي يرجعوهم

عندهم أطفال

أعرف وحده لحد الأن ودي أكسر رأسها قاهرتني

كفلت يتيم علشان تحمل لأنها ما كتب الله لها ذريه

و تقول من كفلته و حياته سعاده و نعيم

و بس حملت و خلفت راحت ورجعت اليتيم و قالت تعبت معاد

أقدر أربي عيالي

علشان أربي عيال غيري و بعد فتره جت تبكي تبغاه

ليش لأن حسب كلامها حياتها صارت مشاكل و مصايب بعد

ما رجعته و أنطردت لأن هالموضوع مو لعبه و لا رغبه مؤقته على كيفها

لذلك لازم تتأكدي تمام من الخطوه اللي راح تعمليها

و أهم حاجه لازم تتأكدي منها قبل تكفلي و تحطيها ببالك

أولادك هل قادره تربيهم على تقبل أخ مو من لحمهم و دمهم

و مجتمعك لأن راح توجهي مشكله إذا رفضوه و راح

تعاني منها بس يكبر الولد و يدرك وضعه