بسم الله الرحمن الرحيم
أختي الكريمة
للحين وانتي تكلمين الشباب على المسن ؟ ؟
شنو استفدتي ؟؟
ما نبيكي تقولين لنا
بس كل اللي نبيه تفكرين وتسالين نفسك هالسؤال . شنو استفدتي ؟؟
والله العظيم
اتحدى اي بنت تقول انها تكلم شباب على المسنجر . .انها مرتاحة بوضعها اللي هي فيه
قلق
وشك
وخوف من الاهل . . وفوق هذا . .غضب وعدم توفيق من الله سبحانه وتعالى
لان الاهل اذا ماشافوها وتعتقد انها شطاره ... في عين ماتغيب وتشوفك اربعه وعشرين ساعه
هذه هي حكمة الله في خلقه
( ومن أعرض عن ذكري فإن له معيشة ضنكا )
فلا أصدق أن بنت اوصبي مرتاحين بالوضع اللي هم فيه
وحتى لو تظاهروا بذلك
اجل شلون كل ما مر حد من وراج تنزلين الصفحة تحت وتخشينها
وتقولين انا مستانسة ؟؟
وشلون كل ما امك تسالك شتسوين
. . تقولين ابد . . بمنتديات ولا قاعدة اكلم رفيقاتي. . وتقولين انا مستانسة ؟؟
شلون تغطين نفسك بالف فراش ولحاف وتقفلين على نفسك الباب لما تبين تتكلمين في التلفون . . وتقولين انا مرتااااحة ؟؟
هــل هذا اللي تبحثين عنه ؟؟؟
هل هذي هي الراحة والسعادة ؟؟
فانظري لحالك
. . وتفكري
. . بهذه السعادة الموهومة
وأنا استغرب . . من بنت تكلم الشباب على المسنجر .. وبعدين تقول
ابي زوج صالح ومتدين ويخاف ربه
!!!!
تعالي يا يبه . . وقفي شوي
على اي اساس تقولين ابي زوج متدين ويخاف ربه
وانتي ما تخافين الله
وطول الليل والنهار هذرة مع الشباب على المسنجر ؟؟
هل تعتقدين اصلا ان الله راح يبتلي انسان صالح عفيف
بوحدة مثلكي انتي ؟؟
لن تجدِ إلا شخصا مثلك
هذا الكلام مو من عندي . . ولكنه كلام الله سبحانه وتعالى . .
فهو الذي قال : الخبيثات للخبيثين والخبيثون للخبيثات والطيبات للطيبين والطيبون للطيبات
لكن هذا كلام الله سبحانه وتعالى . . وهذه هي حكمته في خلقته . .
فكروا شوي
ليش ما سمعنا في يوم من الأيام أن فلان الملتزم تزوج وحدة عليها كلام ؟؟
ولا سمعنا كلام عن اهل واحد ملتزم ومحترم ؟؟
وفي المقابل كل ما تزوج واحد من هالمختربين . . سمعنا كلام عنه وعن من تزوجها ؟؟
يا الله العفو و العافيه في الدنيا و الآخره
مو لازم اتكلم كثير واضرب أمثلة
لأن الامثلة تقدر تشوفها وتقدرين تشوفينها من حواليكم وواضحة للجميع
وصدقوني
والله العظيم
إن الانسان مهما حاول أنه يتأكد من صلاح من سيتقدم لها أو البنت حاولت تتأكد من صلاح المتقدم لها
لكن حكمة الله فوق كل شيء . .
وسيبتليكم . .
فالآن الطريق مفتوح امامك
. تبيعين باقي دنياك
. . من أجل لهو وشهوة ساعة
. . . وكلام فاضي كل واحد منا يدري أنه لا يقدم ولا يؤخر ؟؟
ولا تخافين ربك . .
وتبتعدين عن هذا الجو . .
وتفوزين بالدنيا والآخرة ؟؟
طبعا
ً . . بتجيك وحدة . . وبمنتهى البراءة . . وبتقول لك . .
اصلا انا لما اكلم الشباب على المسنجر . . ما اقول شي غلط . . مجرد سوالف عادية . .
يا سلااااااااااااااااااااااااااااااااام !!!
طيب . . وشلون إذا كان الاساس غلط ؟؟
هذه المحادثة أختي العزيزة . . حرااااااااام شرعا ً ولا تجوز . .
وبعدين تعالي
ألم يقولوا . .
أن عظيم النار من مستصغر الشرر . .
بدايتهم عاديه وصغيره وكان لها حدود
تكفيكم تلك القصص التي سمعناها . .
من فتيات كانوا يقولون نفس هذا الكلام . .
ثم تدريجيا . . شوي شوي . . حبة حبة . .
انجرفوا بغير إرادتهم تحت الخط الأحمر . .
إما إلى الزنا . . وإما إلى وهم العاطفة والحب . .
فأما العاطفة . .
فما بدأت إلا من الكلام حول
( انا شنو اعنيلك . . وانتي شنو تعنين لي )
ويتبعها تفكير ثم تفكير . .
وانتظار على النت لساعات طويلة . .
والنتيجة ؟؟
قلب مكسور . .
وانطواء عن الناس . .
وانشغال عن الله سبحانه وتعالى . .
خسران في الدنيا وخسران في الاخرة . .
اوووه ..
نسينا شي مهم . .
بكرة بعد الزواااج
أكيد أوهام الحب القديم . . ستراودك ِ بين الفينة والاخرى . .
أما تستحين ؟؟
أما تخجلين ؟؟
أن تكوني مع زوج لك يحبك وانت تخونينه في داخل عقلك ؟؟
طيب
انتي ما تستحين
عادي عندك تخونين زوجك بهالطريقة
طيب وراحتك ؟؟ والمودة والرحمة والحب الطبيعي الصحيح بعد الزواج ؟؟
تتركين كل هذا يخترب من أجل ( سوالف عادية ) على المسنجر ؟؟
لا خوف من الله . . ولا خوف من الناس حتى !!
وتبين زوووج محترم بعددددددددددددد ؟؟
والله المستعان انا قلت الى عندي
والباقى عليكم
لاتقولون انا غير الله مو هاديني احس ما اقدر
يقول الله تعالى : " .. إن الله لايغير مابقوم حتى يغيروا مابأنفسهم " لازم انتي تنوين وتتركين هالشي والله ان شاء الله راح يهديك
نفوولا @nfoola_2
محررة فضية
يلزم عليك تسجيل الدخول أولًا لكتابة تعليق.
نفوولا
•
استغفر الله واتوب اليه
حسبي الله ونعم الوكيل أصلا مادمر شبابنا وبناتنا غير النت والتليفون والماسنجر وخرابيطه .... لا والبنت الغبيه المغفله مصدقه إنه الشاب ممكن يفكر فيها كزوجه وأم لعياله ماتدري إنه آخذها تسليه وتضييع للوقت حتى يلقى بنت الحلال وبعدين يطنشها ويرميها لغيره وهكذا....
يانايمين اصحوا كفايه
يانايمين اصحوا كفايه
حسبي الله ونعم الوكيل أصلا مادمر شبابنا وبناتنا غير النت والتليفون والماسنجر وخرابيطه .... لا والبنت الغبيه المغفله مصدقه إنه الشاب ممكن يفكر فيها كزوجه وأم لعياله ماتدري إنه آخذها تسليه وتضييع للوقت حتى يلقى بنت الحلال وبعدين يطنشها ويرميها لغيره وهكذا.... يانايمين اصحوا كفايهحسبي الله ونعم الوكيل أصلا مادمر شبابنا وبناتنا غير النت والتليفون والماسنجر وخرابيطه .... لا...
نفوولا
•
المشاركة الأصلية كتبت بواسطة فراولة البنات
حسبي الله ونعم الوكيل أصلا مادمر شبابنا وبناتنا غير النت والتليفون والماسنجر وخرابيطه .... لا والبنت الغبيه المغفله مصدقه إنه الشاب ممكن يفكر فيها كزوجه وأم لعياله ماتدري إنه آخذها تسليه وتضييع للوقت حتى يلقى بنت الحلال وبعدين يطنشها ويرميها لغيره وهكذا....
يانايمين اصحوا كفايه
شكرا بنيه لندن
حسبي الله ونعم الوكيل أصلا مادمر شبابنا وبناتنا غير النت والتليفون والماسنجر وخرابيطه .... لا والبنت الغبيه المغفله مصدقه إنه الشاب ممكن يفكر فيها كزوجه وأم لعياله ماتدري إنه آخذها تسليه وتضييع للوقت حتى يلقى بنت الحلال وبعدين يطنشها ويرميها لغيره وهكذا....
يانايمين اصحوا كفايه
شكرا بنيه لندن
الصفحة الأخيرة