ابي اكمل دراستي عن طريق النت من جربت؟

مووووفقه ***** الله

اهلين اختي انا اعرف فية بس بري المملكة تعليم عن بعد
بس انت تبغي باكلوريس ولا ماجستير
انا كمان حلمي اكمل ماجستير بس القبول في اللملكة كل يوم يتعقد وكل ماقدم ماتقبل الله المستعان
وبري متخوفة من الموضوغ والغربة واللغة (قلت قصت حياتي هههههه)
بس عزيزتي اهم شي لو لقيتي جامعة تاكدي انها معترف فيها في السعودية في جامعات مو معترف فيهااعرف وحدة درست ماستر ودكتوراه عن بعد وطلعت الجامعة مو معترف فيها وماستفادت شي من الشهادتين
انا في بالي الموضوع لو تحصلت علي معلمومة بارسلك هيا بس اهم شي لاتخلي للاياس طريق لنفسك وخلي املك في الله كبير وصدقني كل الي مانقبلتي فية مو رزقك وان شاء الله ربي يرزقك الافضل
دعواتك

رفع ابحثو وخبروني بمسج الله يرضى عليكم وانا ببحث عن جامعه معترف فيها لو برا وبخبركم باذن الله

السلااام عليكم بنوتاات ,,

اممم حابه اساعدكم بالمعلومات اللي عندي بما اني طالبة تعليم عن بعد ..

اول شئ ادا تفكري في الانتساب شيليها من راسك ترى التعليم عن بعد افضل بكثيييير ممكن يكون الوقت يضايقك شوي بس مرره احلى من الانتساب

اول شئ من ناحية الدرجات الترم اللي فات كان توزيع الدرجات على اعمال السنه 50% والحين صار 30%

الانتساب راح يكون 100% على ورقة الاختبارات النهائية

طبعا عندك المحاضرات على حسب جدولك السنة التحضيرية فيه ترم تاخذي 5 مواد والترم التاني تاخذي 4 مواد

والمحاضرات بالعاده تبدآآ من العصر او بعد المغرب وتشوفيها اون لاين وتشاركي مع الدكاتره بالكتابه وتقدري تسئليهم وتوقفي عند اي نقطه مو فاهمتها
ودا يكون على موقع centra
عندك كمان موقع تاني اسموا emes تاني يكون خاص لحل الواجبات والاختبارات الدورية وبريد تراسلي الدكاتره والبنات اللي معاكي ومنتديات

وموقع كمان اسموا oudes اوديس يكون فيه الدرجات للاختبارات النهائية وبعض المعاملات زي تاخيرر ترم ومن ه الكلام والاختبارت الدورية والنهائية كوووووووولها موضعية يعني صح وخطاء واختياري بسسسسس

وادا على انوا معترف فيها ولالا هوا معترف فيها وعندك ميزه كمان ادا جبتي معدل فوق 4.50 بعد 3 اترام تقدري تحولي انتظام

وكمان الي متزوجه وتحسوا صعب انا اقولك انوا اغلب البنات اللي موجودين متزوجاات وعندهم بزوره ووحده صديقتي تقول مررره حلو وهيا عندها بنوتتين

اممم ايوا صح نسيت اقولكم انا في جامعة الملك عبد العزيز والاختبارات النهائية للسنة التحضيريه ممكن تكون في بعض المناطق بس مو متذكره بس اذكر في الرياض واتوقع الدمام بس مو متاكده بس بعد السنة التضيرية لااازم تكون في جامعة الملك عبد العزيز وادا اختبرتي في مناطق تدفعي 1000 ريال على الترم بس ادا رحتي الجامعه عاتي ببلاش هع
ووووو
وكمان فيه تعليم عن بعد في جامعة الامام محمد بن سعود في الرياض
وجامعة الملك فيصل في الشرقيه

رسوم الجامعة بالنسبه لعبد العزيز 4000 للترم بس سمعت انوا جامعة الامام وفيصل ارخص ما يزيد عن 3000 بس ما عندي خلفية عن ه الجامعتين
وااامم يا حبذآ قبل لا تدخلي اي جامعة تكوني متاكده من امكانياتك ولازم يكون عندك متوفر نت




اتمنى اكون افدتكم بشئ وادا عاوزين حاجه ارسلولي ع الخاص لاني ناادر ادخل مواضيع شاركت فيها :)

بنوتات ادعولي ربي ييسرها على ابوي واكمل الترم دا وما اوقف وينصروآ على اللي ظلموآآ ^.^