ابي الحكيمات يردون بس هل ارجع لطليقي ولا لا

هل ارجع لطليقي ولا لا ابي وحده حكيمه ترد على انا لي سنتين مطلقه بحثت عن زوج بشتى الطرق يا يجيني واحد متزوج والعازب يبيني زواج متعه وانا ما ابي متزوج عندي طفلين وموظفه و****لله بكمل الماستر

طليقي عشت معاه بجحيم ما فيه شي يرضيه حاولت اتقرب منه ما قدرت
ازعجني عند خواته اي كلمه منهم يجي يسوي لي مشاكل بالبيت غصب عني انقهر واغار يتدخلون بكل شي ويدرون عن كل شي وطايم يقولي بوجهي الاخ ما بداله اخ والمره بدالها الف مره يعني انا بس حقت فراش وتوصل مشاكلنا للضرب والطرد مدت اليد من اسهل ما يكون عنده
يبي يوفر لي بيت ويعبي الثلاجه والباقي عليك وانا كنت ذاك الوقت ماني موظفه وشلون لو توظفت الحين والباقي ما يجي الا بطلعة الروح بالهاوش والنكد بس الاكل الي يجيبه بالراحه مع العلم ان راتبه 15 الف بس كله يروح لخواته وخواته موظفات ورواتبهن احسن من راتبه ومتزوجات يعني صارن كانهن زوجه ثانيه
وجبي اهلي لاحقيهم احترميهم وانا محد يحترمني ولا احد يوجبني
لا سفرات ولا اسواق
دايم جالس بالمجلس لحاله ومايبيني اجلس معاه ولا عند اهله اجي اخر الليل وانا طاقه الزين له ابي اسولف معاه ابي اكون علاقه معاه انا ابي صديق مو بس فراش وبس حنا مو حيوانات يصرفني ولا يتطنز على
اجيب له هدايا كشخه ابي اكشخه انا اهتم بنفسي كثير وابي واحد مثلي يرمي الهدايا بوجهي ولا يجاملني شوي وبعدها يرميها بالدولاب

ودايم يحاول يعاندني بكل شي يثير مشاكل على اتفه شي ولا يبين بعينه شي


اول ما تطلقت كنت كارهه كل الرجال والزواج ما يعني لي شي ابدددددد ولا ابي اتزوج ابي اطور نفسي وبس لاكن بعد سنه من الزواج بديت احن بديت اغار اذا شفت وحده سعيده مع زوجها
اقول في خاطري اذا انا ما حصلت الزوج من هالدنيا وش راح احصل والله لو اوصل المريخ بانجازاتي ما راح يكون في نظري شي
الصفتين الايجابيات الي فيه انه ما يسافر ولا هو راعي خيانات

بس حتى لو ارجع ابي تعويض مادي على الضرب والطرد الي جاني جلست اعالج نفسي سنه كامله من الامراض النفسيه الي جتني منه استخرت كثير لاكن لازلت متردده لان ابي تعويض الي سواه فيني مو سهل
ما يخدمني ابدددد خلي اهلك يخدمونك يقولها بصريح العباره