حبيتي صراحتك حلوه وتدل على ان عندك اصرار عشان تتغيرين وانا راح اساعدك ياقلبي
اول شي لازم تفكرين بزوجك لايغرك سكوته بناظر بالتلفزيون بيشوف نظافه واهتمام وراحة بال بيروح لبيت احد بيشوف الاهتمام والنظافه حتى ببيت اهله بيحس انك ناقصه عنهم وانهم افضل واحسن منك ولاتستغربين اذا طلع من البيت بكثره وبعدها يمكن يتعرف على بنات ويتزوج وحده تهتم فيه وبنظافته وبكل بساطه راح يكون عنده عذر وبيقول لاهلك انك وسخه ماتنظف بيتها ولاتهتم لوجودي
بالنهايه ماتنفع ليت وليت حتى لورضى ورجعك انتي ماراح تنسين كلامه
نامي الليله بدري وقومي الساعه 8 وافطري حتى لومومشتهيه
بس عشان يزيد النشاط وافتحي كل درايش البيت وروحي ادهني شعرك ولفيه وابدي بالهمه
غرفت النوم انفظيها نفض ورتبيها وغيري المفرش وعطريها واطلعي للغرف الثانيه ونفس الشي بعدين للحمامات وانتي بكرامه استخدمي هاربيك الاخضر مرررررررررره يجنن وريحته حلووه
اذا عندك كنب اوجلسه او حتى فرشه عندي لك طريقه لتعطيرها وتجديد لونها من الغار
كفورت او داوني اختاري ريحه حلوه وخففيها بمويه واغسلي فيها منشفه وبعدين افركي فيها الكنبات
وبعدين ادخلي المطبخ واغسلي المواعين والارض واطبخي غداك وعلى بال ما هو يطبخ و نظفي الدواليب والثلاجه واذا قرب زوجك يجي ولعي الفحم وبخري البيت وروحي تروشي عشان الزيت والبسي وتعطري ومن كل قلبي بدعيلك اذا بغيتي شي ارسلي على الخاص

الله يعينك بجد ..

والبنآآت مآآتوقع قصروو ..

الله يعينك . حاولي تنظمين وقتك وبعدين توماعندك الا واحد اجل وش لون لو كانوا اربعه اوسته وش بتسوين .انتبهي تري اذا مسختيها زوجك بيعرس , وانا اول وحده اقول ل مبرووووووووووك

الله يعييينك احتسبي الاجر بترتيب بيتك والاهتمام وان شاءالله كل شي بيتسهل عليك

رتبي وقتك علقي ورقه على الجدار حطي فيها جدوول التزمي فيه

ونظمي وقتك راح تلقين عندك وووقت طوووويل تجلسين فيه على النت لان الشغل بيصير قليل

وتذكري دايم ان زوجك بيكرهك ويتزوج عليك ولافكر فيك اذا شاف حالتك كذا معاه

تخيليه تزوج عليك واخذ وحده نظيفه ومرتبه وسنعه وقتها وش راح تسوين بتخلين بيتك زي ما هو والا بتنافسين جارتك على النظافه

شوفي حبيبتي ترا الرجال يسكت فتره بعدين يفجرها ماعنده فيك ولا فيك مشاعرك الزم ما عليه راحته
اذا صحيتي الصبح وبدال ما تجلسين على النت امسكي بيتك غرفه غرفه اول شي غرفه النوم رتبي الدروج والارفف حقت الملابس ومسحيها زين واذا هي مغبره كثير جيبي فوطتين عشان تمسحينها مرتين ورتبي التسريحه وغيري في غرفتك حطي لمسات او غيري اماكن الاثاث طبعا اذا قدرتي بس اهم شي نظفيها وبعدين اكنسيها وبخريها وحطي عطورات بخيها في كل زاويه مع السرير واطلعي من الغرفه وروحي غرفه ثانيه لين تخلصين واخر شي خليه الغسيل بعد ما تخلصين تنظيف البيت واذا كانك تعبتي خلي الغسيل من بكره مع الكوي عشان ما يتجمع الشغل عليك وما تعرفين وش تسوين
والنت قاومي نفسك واتركيه او قولي لزوجك ياخذه معه ويخليه في السياره عشان يبعده عنك او شيليه فوق الدولاب لين تخلصين الشغل صدقيني اذا بديتي في الغرفه راح تكملين غصب لانك راح تتحمسين بس اتركي النت والله ما جاب لنا الا الكسل خليه في وقت بعد ما تخلصين او لا تفتحينه يوميا
تسنعي وخليك ذربه ترا الرجال اذا جلسوا يسولفون جابوا طاري الحريم واذا جابوا طاري حرمه سنعه وش راح يكون موقف زوجك
غير لو راح بيت احد من زملاه ولقاه نظيف ويلق لق بيكرهك وبيكره الساعه اللي عرفك فيها اهتمي بزوجك وادخلي السعاده على قلبه لا تصيرين سبب تعاسته والا ترا بينحاش من البيت والله اقولها لك صادقه يمكن يخلي البيت بس للنوم او للاكل اهتمي ببيتك عشان يجلس اكثر في البيت لانه بكذا بيحس انو مرتاح لان البيت نظيف وريحته حلوه وقدامه حرمه مرتبه وعياله مرتبين بينبسط وبيفضل الجلوس اكثر من الخروج
ودائما اذا نظفتي بيتك بخريه وعطريه
المهم اغصبي عمرك واذا صحيتي من النوم كلمي نفسك وقولي فلانه انتي نظيفه ومو كسوله وتعرفين تنظفين يله بسرعه قومي نظفي وورينا ابداعاتك
لا تحطمين نفسك وتقولين انا كسوله لا انتي مو كسوله بس مهتمه ي النت اكثر من البيت لنتبهي لنفسك وبزوجك لا ينطلك عند اهلك وبعدها مراح يفيدك احد وشوفي ركن التنظيف الترتيب يمكن تتحمسين