ابي الطباخات فقط يدخلوووووووووووووووون

ربي يعينك ياعسل

شكرا البنفسج
وين البقيه ؟؟ ليش مطنشين؟
حرام عليكم ساعدوني ................وين الطباخات والا تتغلون ؟؟

ياعمري ماادري انا تاخرت بالردولا لحقت حبيبتي لان توقيتي غير التوقيت تبعكم
االمهم مالك بالطويلة بسيطة

الشربة اذا تسوين شربة حب سوي كمية خمس فناجين وخليهم بطاسة يبوش الحب
بعدين اطبخيه

سوي صينية بطاطس بالبيتزا سويوحدة تكفي عددهم مو كبير

طريقتها سهله وحلوة

تقطعين البطاطس مكعبات صغار وتقلينها

وتسوين صلحة البيتزا اللي هي بصلة تحمرينها بعدين فلفل شامي تحطينه عليه ويتحمرمعاه
وطماطم وحدة وصلصة وبهاراتك وبزارك والملح والفلفل والكمون وخليها شوي على النار

بعدين اخلطيها مع البطاطس والصينية كسري بقسماط ناعم مطحون ودهني الصينية زيت
ورشي في الصينية بعدين حطي الخلطةالبطاطس المخلوطة بالبيتزا
بعدين رشي بقسماط مطحون على الصينية منفوق ودخليها الفرن 10 دقايق وطلعيها

وهذي حلى الرمان

بسيط ولزيز غطسي بسكوت الشاي في ماء شوي وفمتو ورصيها بالصينية
وبعدين خلطي بكت دريم ويبب وقشطة وصبيه فوق البسكوت دخليه بالثلاجة
لين يجمد شوي بعدين اخلطي جلي توت بماي 3 فناجيل ماي حارو3 ماي بارد
وصبيه على الصينيةو وانثري رمان على الجلي دخليه الثلاجة بالعافية

وهذا حلى ثاني حلو بعد بس اهم شي تضبطين وزنيةالكريمة

جيبي كاسات الحلى واخلطي دريم ويب وقشطة وشوية كاكو وكسري بسكوت صغار بس مو مرة مكعبات صغيرة
واخلطيها زين وحطي بكل كاسة حلى شوي من الخلطة وحطيه بالثلاثجة

بعدين اغلي على النار حليب وجيبيبكت كريمة وحركي زين بس مااعرف كيف اقولك وزنية الحليب
لاني اسويها على نظري شوفي انتي يمكن نص علبةالحليب وتزيدين شوي على شان الكريمة تطلع وزنيتها حلوة
والف صحةوهنا

وسوي لازانيا سمبوسك لحم مفروم وجبن وقيمات بس هذا وسوي شراب فمتو وشراب تانج برتقال
اما اذا تبغين فرش سوي عصير ليمون وعصير برتقال تازا

وسلامتك ياحلوة اتمنى نفعتك

السلام عليكم ورحمة الله وبركاته

أولاً ادعي الله انه يعينك وقبل لا تنامين أذكري الله وسبحيه 33 واحمديه 33 وكبريه 34

أن فاطمة عليها السلام أتت النبي صلى الله عليه وسلم تشكو إليه ما تلقى في يدها من الرحى ، وبلغه أنه جاءه رقيق ، فلم تصادفه ، فذكرت ذلك لعائشة ، فلما جاء أخبرته عائشة ، قال : ( فجاءنا وقد أخذنا مضاجعنا ، فذهبنا نقوم ، فقال : ( على مكانكما ) . فجاء فقعد بيني وبينها حتى وجدت برد قدميه على بطني ، فقال : ( ألا أدلكما على خير مما سألتما ؟ إذا أخذتما مضاجعكما ، أو أويتما إلى فراشكما ، فسبحا ثلاثا وثلاثين ، واحمدا ثلاثا وثلاثين ، وكبرا أربعا وثلاثين ، فهو خير لكما من خادم ) .

الراوي: علي بن أبي طالب المحدث: البخاري - المصدر: الجامع الصحيح - الصفحة أو الرقم: 5361
خلاصة الدرجة:

ثانياً: نظفي بيتك من اليوم .. من تمسيح وترتيب وتجهيز بيالات وفناجيل وصحون وتمر وصحون عبس التمر وسمط وكاسات وملاعق ومغارف ومناديل و و و إلخ

يصير مايبقى لك بكره إلا الكنس وكان عندك عيال لهيهم الله يصلحهم بشيء يحبونه وحارمتهم منه من سنين :35:

ثالثاً:

جهزي الكشنات والخلطات من اليوم .. حطي في بالك وش أنت ناوية تسوين

أقترح:
سمبوسة وتكونين مفرزنة العدد الكافي للعزيمة
سبرنق رول وبرضة مفرزن
شوربة جهزي كشنتها وطلعي لحمتها الحين وحطيها في الثلاجة
وبكره مايبقى عليك إلا كبكبتهم على بعض وحط الكويكر
الفيمتو سويه أول ماتقومين وغطيه ببلاستيك وحطيه في الثلاجة
سوي صواني مثلاً مكرونة بيضاء وصينية توست

خل أقول لك المكرونة بالباشميل
تصيرين الله لا يهينك مقطعة شرايح: بصلة وفلفل بارد ملون وجزر وبازيلا مو مهم البازيلا بس لو عندك
كشني البصل ثم الدجاج اللي بدون عظم المقطع إلى شرايح وإذا استوى حطي البازيلا وحركي شوي
وحطي مكعب ماجي وفلفل أسود مطحون وملح وبعدين صكي النار وحطي الجزر والفلفل
تصيرين سالقة المكرونة الحلزون الملونة ولو ماعندك ممكن الساده أو حتى الوفتشيني
وتخلطينها مع الخلطة وتحطين عليها كاس إلى كاس ونص قشطة خفق وخليها عالنار الهادية نص ساعة
وإذا شفتي انها نشفت حطيها على طول في الحافظة :23:

صينية التوست
جيبي التوست وقصي أطرافه وصفيه في الصينية وحطي عليه أي كشنة
ممكن دجاج مع فطر لذيذ .. تكشنين بصل ودجاج وفطر وتحطينه عالتوست بعدين تغطينه بطبقة توست ثانية
وتحطين علبة قشطة + ملي علبة القشطة موية + 3 م ك جبن سايل
المهم ان الخليط يكون خاثر مو سايل ولا جامد
وصبيه عالتوست ودخليها الفرن 10 - 15 دقيقة وبعدين حمريها وانتبهي لها في التحمير

سوي بيتزا بعجينة العشر دقايق العجينة سهله
اخلطي كاسين موية دافية + كاسين دقيق + م ك خميرة + فنجال سكر + رشة ملح + 2 م ك حليب بودرة أو زبادي
إذا خلطتيهم زين غطي العلبة وخليها في مكان دافي 10 دقايق
بعدين أضيفي لها 3 كاسات دقيق + نص كاس زيت
وحطيهم بالتدريج ونوعي يعني مرة دقيق بعدين تعجنين وبعدين زيت وهكذا إلين تصير عجينتك حلوة وطرية
وخليها ترتاح شوي يعني ماتزيد عن نص ساعة وممكن أقل على راحتك

والكشنة ممكن تسوينها قبل بيوم

الكشنة سهللللللة اخلطي في الخلاط حبة طماط وبصلة وماجي
حمي الزيت وإذا صار حار حطي عليها ذا الخلطة بتشتش عليك حركيها زين
وحطي رشة أورقانو .. اللي هو الزعتر حق البيتزا
ورشة بابريكا كان عندك ورشة فلفل أسود وشوي ملح وملعقة صغيرة صلصة طماط وشوي بهارات
وخليها 5 دقايق على نار هادية وإذا تسبكت شيليها من النار وحطيها في علبة بلاستيك إذا بردت طبعاً
وإذا جا بكره ان شاء الله بس حطيها على العجينة وحطي فوقها اللي تبين
نقانق + زيتون شرايح + فلفل بارد + بصل + فطر + ثم الموزاريلا

وباقي العجينة تسوين به سينمون ولا خلية نحل ..
برضه تقدرين تسوين صوص السينمون قبل بيوم ومن بكره تذوبينه في حمام مائي وتصبينه على السينمون وهو حار وتغطينه
ممكن تحطين حليب نستلة بس لو مستعجلة على ان صوص السينمون ألذ

وسوي الشيرة اليوم

السينمون أحلى طريقة له انك بعد ماتفردين العجينة تدهنينها بزبدة انت مسيحتها على حرارة الغرفة
و لو تطلعينها من الحين في الثلاجة أحسن
وبعدين ترشين عليها قرفة مطحونة وسكر والأفضل سكر بني ولفيها عادي وقطعيها بالخيط أفضل عشان الشكل
بحيث تخلين الخيط تحت العجينة وتلفينها عليها وتقطعين .. ما أدري فهمتيني ولا لأ يعني كنك تخنقينها ههههههه
وإذا خبزتيها واستوت على طول حطي عليها الصوص وغطيها عشان تلين

أي معجنات تبينها تلين غطيها أول ماتطلع من الفرن

فرزني أصابع الكيري أو سمبوسة صغار
وسوي كنافة أو بسبوسة

أنت حاولي تسوين الأشياء اللي في صواني أريح .. موب الأشياء اللي تسوينها على حبة حبة ..

موفقة .. الله يعينك ولا يحرمك الأجر :)

اهم شي غسلي المواعين اول باول حتى لوتطلعين ملعقه وتحركين فيها غسليها على طول اول ماتخلصين منها
هذي اهم نصيحه
وجهزي الكاسات والفناجيل والعصيرات في الثلاجه



والله يعينك