زي ما قالت اختنا تبولة ........وانا اقول لك تقدرين بنفسك تقيمين طبختك اذا ضبطت او لا لا تنتظرين تقييم زوجك او اهله

حبيبتي فعلا انتي مشكلتج ماعندج ثقة بنفسج، انا مثلج تزوجت ماعرف اطبخ شي جان انتي تعرفين تسوين بشاميل وهالسوالف والله انا حتى مكرونة بالجبن ماكنت اعرف اسوي كيكة مثل العالم والناس ماكنت اعرف اسوي رغم ان امي ماشاء الله عليها طباخة درجة اولى، لكن شوي شوي تعلمت من امي ومن النت والحين ماشاء الله التلفزيون ما يقصر قنوات الطبخ انواع واشكال فكنت لما اشوف طبخة تعجبني او زوجي يطلب شي معين اسأل امي او ادخل النت لحد ما تعلمت حتى صرت احسن من امي هههه الحين زوجي اللي عنده اكل امي مافوقه فوق يروح يمدحني عندها ويقول محد يسوي هالطبخة احسن من زوجتي هههه والحمدلله صرت احاول اجرب اطبخ كلشي والطباخ ترا مايبيله شي انتي بالتجربة مرة مرتين بتعرفين ولا يهمج من كلام احد اهم شي انتي تقيمين نفسج