ابي الطلاق او اهلي

بنات والله أني محتاره مره مدري وش أقول أو أكتب بس بأختصر أنا متزوجه وأهلي ببلد وانا ببلد ثانيه غير يعني بعيده عن اهلي بحكم دوام زوجي ولي الان خمس سنوات مع زوجي بنفس البلد الي فيه وضيفته وطبعن نجي لاهلي في الاجازات بس خلاص ماني طايقه ذاك المكان ولا لي فيه احد كني في غربه خلاص بجلس عند اهلي لين يجيه نقل لأن أهلي وأمه بنفس البلد والله لدرجة الصياح بصيح مابي اروح خلاص لدرجة اني قلت لزوجي كان تبي تطلقني عادي المهم ما اروح أنا مره متعلقه بامي ومرات لمن اتصل وانا بعيده عنها بعد ماتخلص المكالمه اجلس اصيح وهو عادي مو فارقه معاه عنده اصدقاء واساسا الرجال مايحنون ويشتاقون مثل المره غير قلوبهم اقوى ويتحملون بس أنا خلاص ماني قادره اتحمل:06: تدرون الحين أنا ساكته من بداية رمضان وهو يحسبني نسيت قصة الجلسه عند اهلي بس قبل مايجي العيد بقوله أما يتركني اجلس او الطلاق خلاص طفح الكيل وخصوصن انه متغير للأسو ء تكفووووووووووووووووون ابي احد يريحني ويقولي طريقه اقنعه أجلس عند اهلي او اذا مالقيت شي أقنعه فيه اقوله الطلاق او اجلس عند اهلي يااااااااااااااااااااااااااارب والله ضايقه فيني الد نيا خلاص ماهي فارقه معاي 0واعذروني كلامي ملخبط من الضيقه 0