ابي الطلاق وخايفه اندم

السلام عليكم ورحمه الله وبركاته
خواتي والله ماكتبت لكم مشكلتي الا وانا ابي العون منكم محتاره ماعندي احد استشيره تعبت من كثر مااحكي على خواتي وامي ودائماافكر بالطلاق واروح لاهلي وارجع له من جديد اختي قالت لي الرجال اذا كان عصبي مايتغير يظل عمرة كله مشاكل واياه وامي تقولي خلينا نكلمه يمكن يتغير
مدري وش المشكله مدري انا اللي غلطانه وشخصيتي حساسه مااتقبل منه شي والا هو فيه سلبيات صعب التعايش معها
من يوم تملكت عليه وهو يهاوش ويعصب وبعد الزواج وانا عروس قدام اهله يقول غلطه عمري اني تزوجت ودائما يوصل رسايل سلبيه عن موقفه تجاه الزواج
واذا جا يكلمني يقول لا انا ااحبك مدري انا احس اني مااحبه مدري ليه وش مسوى لي مااتقبله
فكرت بالطلاق قبل يدخل علي وفكرت بالطلاق بشهر العسل وفكرت وانا حامل وحتى وانا بالنفاس والله ياجماعه مااكذب عليكم فكرت كثيرررررررررررررررررررررررررررررررررر بالطلاق لي 5 سنوات متزوجه وللحين افكر بالطلاق هل يعقل؟؟؟؟؟؟؟؟؟؟؟
تعبانه والله ياخواتي تعبانه احس زي الحاله النفسيه صابتني انا واياه كل يوم مشاكل والله شبه يومي
الحين اكتب لكم الرساله وحنا لنا شوي متهاوشين والله اكتبها وانا ابكي من القهر وضيق الحال وش اسوي
ابي الطلاق بس خايفه ياخذ بنتي مني
نتهاوش على اسباب تافهه
ادري كلكم تتسائلون وش الاسباب او وش المشاكل اللي بشخصيته
اول شي اجبرني على اهله وحرمني من كثير من اقاربي حتى اهلي حدد لي زياراتهم بينما اهله سكني معهم وخلاهم البادين على اهلي وكل ماصار شي قال اختي فلانه وفلانه ومدح بخواته
صارت مشاكل بيني وبين خواته غلطو علي كثير وسكت ويوم تكلمت الكل زعل مني وماتقبلني
المهم
الرجال تفكيرة غير عن رجال هالوقت حصرني في نطاقه مافيه صديقات ولا طلعات مع قريباتي البنات وحتى خواتي اذا تجمعوا بالحسرة اروح لهم ووين مااسافر يسكني عند احد من اهله اخوه والا اخته حتى لو اننا نتمشى
طفشت طفشت منه ومن اهله
يعصب علي ويهاوشني قدام اهله واهلي وقدام الكل
واذا بغى قام يتغزل قدام العالم فيني عجزت افهمه والله احسه غامض مع انه ذبحني بالمرجله كل ماصار شي قال انا رجال ولافيه زيي بالرجال
وبس يعذرب بالرجال اللي حواليني كلهم خلاهم مو رجال بس هو
السفريات برا والتمشيات له طبعا لو توظفت الراتب حقي مو من حقي اتصرف فيه هو اللي يتصرف فيه بحجه انه يبي يضمن مستقبل عياله ويسكنهم في بيت وبعدين تصرفي براتبك
احس انه سلب مني كل شي حلو اقاربي ماعاد صارو يشوفوني الابالمناسبات الكبيرة والله واصيح عنده عشان احضرها
مدري متى بيتعدل الحال والاطفال يبي يربيهم زي مايبي وياويلي لو احدد موعد مع احد بدون مااعطيه خبر قبل حتى لو اهلي يقولون لي تعالي لازم اقوله ترضى والا لا اخذ موعد عشان اروح لاهلي الموعد اللي ابيه
والسوق يروح معي والا امي معي تخيلو كني بزر مافيه مع بنات او خوات
واذا تهاوشنا تولع الدنيا بيننا واذا قلت له طلق واتفقنا على الطلاق بعد مايهددني ببنتي يجي ولا كان شي صار
هو قلبه طيب ويحبني بس انا عجزت احبه مدري يمكن احبه بس مو متقبله شخصيته
عجزت استحمل طفوليته كل ماعصب قام يهددني بانه بيسوي الاشيا اللي مابيها
تعبت والله يابنات من يوم تزوجت وانا على هالحاله ودي اتطلق او حتى يعطيني فرصه اروح لاهلي فترة اراجع نفسي وهو كذلك لكن يرفض يظل متزمت ومتعصب لرايه حتى لو كان خطا
كانه شايب زي تفكيرهم عنده الحرمه دس عليها تمشي زي الالف
فيه ايجابيات ماانكر يحبني انا وبنتي ويخاف علينا حنين اعصب عليه بعض المرات ويتحملني
مدري احس يمكن لو وحده غيري تتحمله لكن انا عجزت مدري ليه عجزت يمكن اني ماحبيته
طيب شلون بجيب منه عيال وبعيش معه وانا كل يوم مشاكل معاه
خايف اتطلق ياخذ ضناي مني وش بسوي بجلس عند اهلي وبعدين؟؟؟
زواج ماابي كرهت الرجال كلهم
بالله ياجماعه بالله دلوني الله يسهل لكم طولت ادري وكلامي مو منظم بس لاني ضاقت بي الدنيا ومدري وش اسوي