ابي الفزعه احس اني بدوامه ؟؟؟

سلام حبيباتي عندي مشكله وقلت محد بيفزع لي الا انتم

من بدايه رمضان وحنا عزايم وفطورات ننتقل من بيت لبيت وصار عندي الفطور حوالي اربع مرات

المهم مالكن بالطويله احس بيتي مقرف مع اني دايما الحمد لله نظيفه ومرتبه بس حوسه هاليومين غيرتني

ولا صرت زي اول بس همي الطبخ واذا ماطبخت انام ولا لي خلق انظف واصحي واروح لبيت اللي بنفطر عندهم

واجي تعبانه يابنات احس مافيه وقت ابد والادهي مطبخي يخرع الا يخوف ماادري من وين ابدا

والمخزن حدث ولا حرج اليوم اخر يوم للفطور برى ومن بكره خلاص بنرتاح

واحس راسي بينفجر ماادري ابدا من وين ومتى ابدا وشلون

تكفون بنات ساعدوني ابي ارجع زي اول كل شي مرتب ونظيف قبل كم يوم كنت ادور دريم ويب بصلح حلى ولا

لقيت وصيت زوجي عليه قال وش بك انا جايب كرتون خلصتيه يوم دورت بالمخزن لقيته تحت خيشه السكر

معقوله هذي انا مستحيل حتى صرت اخاف زوجي يدخل المطبخ او المخزن من حوستهم والشغالات مايقصرون

اذا صار عندي الفطور انواع التخبيص بالمواعين يحطون القدور مع الصواني

دلوني وريحوني وش اسوي ؟؟؟؟