ابي الفزعه ياخليجيات

هذه اكله سمك مع الرز بس ماعرف لهااا اسم .. زوجي يمووت فيها
وان شاء الله تعجبك :)

تنظفين السمك وتقطعينه لقطع متوسطه الحجم وتاخذين في بالك انه القطعه راح تصغر شوي عن حجمهاا لما تطبخينها

بصلتين تقطعينهم لشرائح طوليه

حبتين فلفل اخضر مقطعين شرائح

خمس فصوص ثوم مدقوقه مع نص قطعه زنجبيل او نص ملعقه زنجبيل بودرة

ملعقه كبيرة هيل ناعم

فلفل اسود نص ملعقه - زعفران - نص ملعقه دارسين - ملح

3 حبات لومي اسود

بطاطتين مقطعين لمكعبات وسط + حبه طماط مقطعه لاربع قطع

كوب شبنت مفرومه

رز حباته طويله

الطريقه :
تجيبين القدر وتحمرين البصل لين يذبل شوي وبعدين تضيفين عليه الثوم والزنجبيل وباقي البهارات لين يطلع ريحتها شوي

وتضيفين فوقها قطع السمك وتقلينها نص قليه
بتشوفين لون اللحم يقلب لابيض وانتبهي وانت تقلبين السمك لا يفتت معك .

حطي على السمك ماااء بحيث يتغطي كله وحطي عليه الزعفران ( كثري منه ) والهيل وقطع البطاط و حبات الليمون الاسود و خففي النار

بس يغلى الماااءء حطي الرز وقطع الطماط وخضره الشبت والليمون الاسود شوي شوي على السمك ومع تحريك بسيط بحيت يتخلل الرز ويتداخل بين قطع السمك وخففي على النار على الاخر

وكل شوي طلي على الرز وشوفي ان كان يحتاج لاضافه مااء له ...
عشان تطلع حبات الرز نثريه ومومتلاصقه :
خلي كميه الماء في البدايه قليله يادوب تغطي السمك وتزيد عنه 1 سم
و خلي عندك ابريق فيه ماء مغلي تضيفين منه على الرز لو حسيتي ان الرز محتاج لماء اكثر

وبعد مايستوي الرز تقدمينه في الطبق وترشين عليه بصل محمر بالزيت ( يمكن تسمونه كشنه ) ولاتنسين السلطه واللبن

وبالعافيه ان شاء الله

مطبق زبيدي

من احلى والذ الطبخات الكويتيه

2 سمك زبيدي
3 ونص كوب رز
تقريبا 6 اكواب ماء
ملح حسب الحاجه
نص ملعقه شاي لومي اسود ناعم
كميه من الزيت
3 بصلات تقطع مكعبات متوسطه
ربع ملعقة شاي كاري وكزبره
ربع ملعقة شاي مسمار ناعم
نص ملعقة شاي كركم
نص ملعقة شاي فلفل اسود وهيل
كميه من الكركم
حبتين لومي اسود صحيح

الطريقه :

ينظف السمك ويملح ويترك لمدة ثلث ساعه وبعدها يغسل وينشف

تخلط جميع البهارات ويتبل بها جوف السمكه جيدا .... ويمسح سطحها الخارجي بالكركم فقط من جميع جوانبها ... وتحمر بعد ذلك بالزيت البسيط

يؤخذ السمك المقلي ويوضع في قدر مع قليل من الزيت وحبتين اللومي الصحيح الاسود ويصب عليها الماء وتترك حتى يغلى الماء

يضاف بعدها الرز بعد غسله ونقعه وتصفيته ويضاف له رشه من الفلفل الاسود واخرى هيل وايضا لومي اسود ناعم ويترك على نار متوسطه حتى ينشف الماء من على سطحه ثم تخفف الحراره الي ان يتسبك

طريقة عمل الحشو

يوضع البصل في مقلاة ويقلب على نار هادئه حتى ينشف بعدها يرش بقليل من الماء ويحرك بسرعه وهكذا حتى يغمق لونه فيضاف له القليل من اللومي الاسود الناعم والفلفل الاسود الناعم وقليل من الملح واخيرا يضاف له الزيت ملعقة صغيره ويقلب قليلا ثم يرفع من على النار

وعند التقديم يرفع السمك بحذر من الرز ويترك على جنب وبعدها يوضع الرز في طبق التقديم ويزين بحشو البصل ومن فوقه السمك

وبالعافيه

وهذي حبيبتي طريقة ثانية للسمك أتمنى تجربينها وانشاء الله تستفيدين

المقادير :
سمك كبير الحجم مخلي من العظم
نصف كيس كورن فليكس الذرة ( بدون اضافات )
بهارات متنوعة
عدد 2 ليمون
نصف كاس طحين
كاسين حليب

مقادير الرز :
رز حسب الكمية 3 مرات من علبة الأناناس الحمرا
ماجي حسب الكمية إذا مثل الكمية اللي كتبتها 6 ماجي
زعفران
ماء ورد
بصل 7 بصلات متوسطة الحجم
كمية من البهارات الغير مطحونة ( فلفل أسود ، قرنفل ، هيل ، دارسين )
ماء

طريقة السمك :
- تغسلي السمك لحد ما ينظف وتقطعينه قطع متوسطة مثل ما يعجبك شكلها
- ترفعين السمك من الماي وتنقعينه في الليمون لمدة ساعة او نصف ساعة عشان تروح الريحة
- بعدين تحطين الحليب في صحن غزير وتضيفين له الطحين بالتدريج وتخلطينه لين يتمازج كله مع بعض تضيفين له البهارات المطحونة مثل الفلفل الأسود والهيل والكمون والسنوت واي بهارات تحبينها بس يفضل ان تكتفين بهذي البهارات لأنها تعطي الأكل طعم وريحة حلوة
- وتخلينها تتخمر مع الخليط لمدة نصف ساعة
- بعدها تاخذين الكورن فليكس وتكسرينه لحد ما يصير مثل الفتات الكبير شوي مو مطحون مرررة يعني تضغطين عليه بيدك بس لين يتكسر ويصير ناعم
- تاخذين السمك قطعة قطعة وتغمسينها في الكورن فليكس وتحطينها في طبق كبير ما يكونون فوق بعض وبعدها تقلينها في دهن غزير لين تتحمر ما راح ياخذ لها وقت كثير لأنها رقائق ضعيفة من السمك
- طبعا السمك راح تقلينه بعدما تطبخين الرز عشان يقدم ساخن مع الرز

طريقة الرز المقلي :
- تحطين في القدر كمية مناسبة من الزيت حوالي كاسين من الزيت او كاس ونصف
- تاخذين البصل وتقطعينه قطع صغيرة مربعة وتقلينه في الزيت
- تضيفين له الرز بعدما تكونين غسلتيه زين وتخلصتي من الماي اللي فيه لأن هذي الخطوة ضرورية
- وتحركينه بسرعة عشان لا يلصق
- تضيفين للرز كمية من الماء تزيد بحوالي فص واحد من الصبع او سنتميتر واحد عن مستوى الرز
- بعدها تحطين معاه ورق الغار حوالي ثلاث او اربع ورقات وتضيفين له الماجي بعدما تسيحينه في ماي قليل وتضيفين له البهارات اللي مو مطحونة مثل الفلفل الأسود الكامل ( حبات ) و الهيل والدارسين والقرنفل كله بحبته مو مطحون ضروري بدون ما تضيفين ملح لأن الماجي كفاية
- اول ما يطلع فقاعات وهو يطبخ والنار عالية تخفضين النار وتحطينه فوق التنكة عشان لا يلصق وتغطينه بورق الومنيوم ( قصدير ) وتحطينه فوقه الغطا مال القدر وتخلينه على نار هادئة فوق التنكة
- وتشوفينه بعد ثلث ساعة او خمسة وعشرين دقيقة بكون جاهز يعني على ما انت تقلين السمك يكون الرز جاهز

ذوقيه حبيبتي وخبريني واتمنى من كل الأخوات في المنتدى يستفيدون من الطريقة لأنها فعلا حلوة




تحياتي للجميع

باعافية عزيزتى عليكى كل هذة الطبخات التى طير العقل من حلتهاانا الصراحة احب سمك الهامور مع المرق وهذى طريقتى 1-كيلو هامور منقوع مع اليمون 1-شدة شبنت مع الكزبرة المفرومة 1-نصف كيلو طماطم 1-10فصوص ثوم نصفة مدقوق والثانى عدل 1-بصل مفروم ناعم
الطريقة = تحمس البصل مع الدهن والثوم المفروم ونضع الخضروات علية والبهارات ومعجون الطماط ونحمس ثم نضع الطمطم المضروبةبخلاط فوقة وبعد ذلك نضع الماء وسط وعندما يفور نضع الهامور مع الثوم العدل حتى ينضج ونوطى النار علية حتى يثخن المرق 00000000وباعافية:24: :24: :24: :24:

مشكورين اخواتي على تفاعلكم معي
وعلى الوصفات الحلوه انشاء الله اجربها وتضبط
معي مع كل امتناني لكم:26: :26: