ابي الفكه بس كيف الطريقه ....مكرر

السلام عليكم ورحمة الله

حاولت اسجل وماقدرت واستلفت المعرف من صديقتي الله يجزاها خير 

بنات سالفتي شوي طويله وبحاول افصلها عشان تكونو معاي بالصوره 

انا تزوجت قبل ثلاث سنين مثل اي بيت تصير فيه مشاكل لاحظة بزوجي مع اني اكره اسميه هالاسم انه كثير يحب يظهر نفسه انه كريم وانه ماشاءالله عليه طبعاً قدام اهله وهذا اللي مجنني يتعامل معاهم برسميه ويحب يتفشخر قدام حريم خوانه لدرجه جدا واضحه مرت الايام ونروح ونجي وكل شي نسويه نسافر ويدفع ولا يهتم لكن مجرد اطلب شغله خاص فيني امووت على بال مااخذاها وتصير مشاكل وتكبر ويعتبرني اشحذ يقولي انك شحاذه لاني اطلب منه مصروف او غرض خاص فيني الامهم اننا نتمشكل على ابسط الاشياء ومع الايام وصلت لمدة اليد وبطريقه وحشيه ماقدرت اصبر وكلمة اهلي امي جت وحلت الموضوع ومشت الايام وتصير سالفه ثانيه ويمد يده علي وماخليته وبلغت اهلي وبهالمره تدخل ابوي  وكذب وانكر انه مد يده علي عقب مادخلت ابوي بالموضوع صار اي موضوع تافه يصير يتصل عليه يعلمه ويصغر ويكبر وابوي يعرفني اني عصبيه بس مستحيل اكذب المهم صرنا لما نتناقش بأي موضوع يسجل صوتي دون علمي وكم مره تصير لين كشفه ربي لي مره اخذت الجوال بسجل صوتي بجواله العب فيه لقيته مسجل صوتي ومسحت كل شي عقب ماهدت الامور واستقرت وصارت المشاكل قليله يعني ماننام واحنا متهاوشين وارتاحت نفسيتي قررت احمل بعد ماتميت سنه وكم شهر حملت والحمدلله امورنا تمام جبت ولدي وبرضه الحمدلله مع انه مافرح بالطفل ابداً وهالشي لاحظته فيه مايهتم فيه مايشتري له يستكثر عليه كل شي وعيال اخوه مايقصر معاهم يشتري ويدفع ولا يهمه خاصه اخوه الوسطي تعبت من المراره تعب شديد واضطريت اسوي عمليه من يومها انقلب تغير همه نفسه يبخل بكل شي الا لما يصير الشي بمزاجه كثير يتكلم عن زوجاته اخوانه وانهم مافيهم عيب قلت له ليش تاخذني ليش مااخذت منهم 



دامك معجب فيهم لهدرجه صار هم نفسه وبس يسافر ويروح ويجي كثير نتهاوش واهدده اني اروح لاهلي وانا وبكل صراحه عفته وعفت كثرت مشاكله مايبي يسولف معي لانه يعتبر اللي يسولف مع زوجته رخمه يطلب مني اشياءا ماترضي ربي وارسله ادله على حرمتها يسألني اذا زوجة اخوه بيضاء او سمرا  مع انها اكبر مني بواجد وفرق السماء عن الارض كثير صارت احداث المهم سافرنا مع اختي برى روحتي طلعت بطلعت الروح اي وحده بتسافر تحب تخطط لسفره وايش بناخذ ووين نسكن انا يوم سألت جلس يصارخ وكأني سابه اهله ومافي سفره خلاص بالمعنى الصريح بيكرهني فيها عشان اقول خلاص مابي بس اصريت اني اروح وانا قايله بقلبي مجرد ماارجع بروح لاهلي لانه ذلني بما فيه الكفايه رحنا سافرنا واربع وعشرين ساعه مع زوج اختي ومايبين اطلب شي او اتكلم او اقول اي شي طلبت اخذ شريحه عشان اكلم اهلي ويصرخ قدام الناس ويعلي صوته بكل وقاحه فيه تفاصيل كثيره بس احاول اوصل للمهم بعد ماجينا نرجع ركبنا الطياره ركبت وجلس عندي واختي وزوجها بمكانهم صوت لنا زوج اختي وناداه وراح هذا لمه جلسو يتكلمون جا لمي قال روحي عند اختك بيجلس هو بجمبي قلت ماابغى اغير مكاني انت روح عنده راح وقاله واشوفه يتكلم معاه وانا عارفه انه هو اللي يبغى  وجو كلهم عندي خلاني امام الامر الواقع قال روحي اجلسي قدام فيه امريكي جالس وبجمبه بنت اختك اجلسي عندهم والله اني كنت احسبه يستهبل 

تابع ......