ابي المشوره

السلام عليكم

عندي موضوع حابه اسالكن عنه هو لصديقتي مرررره لسى ماخلصت سنه من تزوجت
كلمتني تتشكى وتتبكى ومو قادره تنام وانا بنت لسى انسه مادخلت دنيا
يعني وش يعرفني بذي السوالف

السالفه انها زعلانه من زوجها كانت طالعه من بيت اهلها بديره لديره ثانيه هي وزوجها

وكانت جوعانه بس هو مايدري وطلبت منه موكا قام طنشها وقعت يتريق كنه يمزح
وشلك بالموكا بعد ذيك النعمه انا قلت لها يمكن علشان وزنك زايد طنشك
وهي مصره انه سوا كذا انه مايبيها تتعود كل ماراحت يجيب لها موكا
المهم زعلت وطنشته يوم كامل وكانت تقوم بكل واجباته من طبخ ونفخ
وخدمه بعدين في الليل دخلت الحمام تتسبح تطلعت وهو نايم بالمجلس
وكلمت وهي بتموت من القهرر تقول وش اسوي معه وكيف ابدا وكيف افهمه مايرجع يسويها
عاااد انا جلست اسمعها الين خلصت وجلست اهديها
وهي تقول قولي لي وش اسوي مابي تهديني :44:
والله ماعرفت وش اقول لها ولا ادري وش اقول
وش ريكن انتن يالمتزوجات بالموقف وش تسوي

هي صح يمكن مشكله سخيفه بس هي عندها مو سخيفه اكيد لانها مقهوره