الله يسعدكم

مساالخير بريده واضحه معالمها بأمكانها اول ماتاصل تتجه لفندق الموفنبيك باالصفرا وبأمكانها تسأل اي احد عن مكانه لانه معروف وهو يوجد في حي الصفرا بعد مايحجزون ويرتاحون يطلعو يتمشو باالشوارع استكشاف ومن ثم ياخذو عشاهم ويطلعو على حديقه وفيه البرج الحضاري وفيه مهرجان الكليجا روعه وفيه حدائق حلوه مثل حديقة الاسكان معروفه مجرد انها تسأل توصل او حديقة الشماس برضو حلوه ومعروفه وكبيره وفيها العاب اطفال وفيه بعد حديقة الضاحي ومعروفه بعد عموما وفيه بعد بعنيزه المزروع جدا حلو للجلسه لايفوتهم واذا خلصو من الحديقه بأمكانهم يتجهو للأسواق فيه النخيل بلازاحلو وغالي مره وكبير ايضا بحي الصفرا ومعروف وعندك العثيم باالصفرا وحوله يوجد محلات فساتين فخمه ومحلات اطفال ومكتبه جرير ومطعم عمو حمزه وحوله بعد محل سنبل وفيه السوق الداخلي حلوه بضاعته بس حوسه شوي وهو اقدم سوق ببريده واللي يسأل مايتوه وفيه ونروح لعنيزه فيه مجمع لسا فاتح بس موكل محلاته فاتحه حلو وقدامه سوق اهل عنيزه بضاعته عاديه فيه محلات كثير بس متفرقه مع التمشي راح تلقاها وفيه سوق نسائي ببريده اسمه الوشاح مول ...وللأطفال ملاهي الحكير جنب النخيل بلازا وجو النخيل فيه العاب وشغلات حلوه وفيه ملاهي الاسره نسائيه جنب العثيم مول وجو العثيم العاب وشغلات حلوه للاطفال وفيه جرين لاند بين بريده وعنيزه نسائيه جدا وناسه للحريم وللاطفال وفيه قسم مستقل رقص ووناسه شي عجيب خص باالاجازه وغير العروض اللي يسونها باالاجازات وفيه بعنيزه ملاهي ومنتجعات عوائل حلوه بس مااعرف اوصف والمطاعم عندك للعوائل سينيز حلو وشيز وكمون و الطازج وكلهم هذولي بحي الصفرا حول بعض وعمو حمزه حول العثيم ومطعم الغخار ومطعم قمر بيروت جنب بعض عند حديقة الحضاري من ورا وهرفي وفروعه واحد باالفاخريه وواحد عند العثيم ومطعم صب واي واحد باالراشديات والثاني باالصفرا بس مافيه عوائل المحل الثاني وكثير والله مايحضروني حتى مطاعم عنيزه نسيتها ايه تذكرلات فيه مطعم خمس نجوم وهرفي ومااذكر نسيت وعندك المطاعم اللي مو عوائل بس شباب وتقدري تاخذي منه سفري او توصيل الشام شامك لايفوتكم شغله وله فرعين الاول باالفاخريه والثاني بحي الافق وعندك ومطاعم الوجات السريعه واجد راح تلاقينها وانتي ماشيه من ضمنها دومنيز بيتزا وبيتزا ام وان وهت كثثثثثثثثثثثثثثثثير عجزت اجمع وعندك عنيزه حلوه للتمشي بس مو زي بريده والرس حلوه بس بعييييييييييييييييييده وفيه بعد المتحف حق بريده شامل واسألي وتلقينه وفيه بمحافضة الشماسيه سمعت عن شخص كبير باالسن مسوي استراحه زي المتحف وحاط فيه كل انواع التراث مسويه للناس والشماسيه صغيره وراح يدلوكم الناس ويوجد باالشماسيه دكات قمه باالروعه كأنك باالجنوب جالسه براد وناسه لازم اجربونها وش بعد وش بعد نسسسيت ايه واهم شي الكليجا لاتنسي تشتري هدايا للاهل كليجا وعندك مصنع الجزيره يسوونه طازج ونضيف وخوذي طازج اطلبي طازج حق اليوم واذا بغيتي تصليح بيت ادخلي بريده ستي واطلبي اي رقم لحرمه تصلحه وراح يفيدونك على طول ودقي وحجزي واتمنى تستمته زوجة اخوك باالرحله وحتى لوماعجبتها القصيم ترا اهلها حلوين وانا من ضمنهم ههههههههه وراح تنور بريده بجيتهم ووقت سعيد لهم ***** الله وطلب ان توصي زوجة اخوك تدعيلي بظهر الغيب ان الله يسخر لي زوجي ويرزقني الذريه منه ويفك ربي كربتي فأنا في كرب لايعلمه الا الله لاتنسين تراها امانه فرقبتك ومع السلامه

موووفقه يارب

مشكورين الله يعطيكم العافيه ماصرتوا

واختي حبة بندول الله يفرج عليييييييييك ويسخر لك زوجك وترا دعيناالك

مطعم تاج محل فخم وأكل نظيف عند مستشفى الحبيب - بريدة


مقهى أستاذ القهوة للعائلات فخم عند مستشفى الحبيب-بريدة
بالرس قرية المراجيح
مطعم فيشون - بالرس وبريدة
مطعم بابا علي - عنيزة وبريدة والرس
فندق رمادا -بالبكيريه