استخيري ربي كثيرر وهذا اغلب حال الرجال الحين انا نفس حالتك تقريبا ومتخوفه من موضوع الطلاق احس مو سهل ينقال عني مطلقه لكن معاملته لي احينا تخليني اصر على الانفصال والمقاطع انا نفس الشي شفت بلاوي بجهازه ولما واجهته انكر انها له وحط رقم سري لليوزر حقه يعني الرجال مصمم انه يستمر على بلاويه لكن الشكوه لله الكل على هالحاله الامارحم ربي بموضوع الصور لكن تقلب المزاج متعب وانا سويت انابيب قبل فتره لانه عقيم وربي ماكتب حسيت ان مالي خيره اني استمر معاه والله يكتبلنا اللي فيه خير

استخيري حتى تشعرين بالراحه من قرارك واستشيري شخص تثقين برأيه ثم توكلي على الله

انا شايفة البعد عن هذا الرجال غنيييمة

والله يعوضك باللي يستاهلك

أختى حددي المشكله ....
كنتي تعرفين إنه ما يصلي وتغاضيتي عن الأمر
عرفتي إنه منافق وسكتي عنه
عرفتي إنه مقصر وما يصرف عليك
عرفتي غنه أناني ما يحب إلا نفسه
وعرفتي إنه عقيم ما فيه عيال
سكتي عن تجريح أهله لك

وسكتي عن كل هالمصايب .... ووقفتي عند اللي أحسبه أسخف من كل هالبلاوي اللي فوق وهي دخول مواقع إباحيه وقلتي بطلق !! ما ألومك بصراحه هالشيء يحر ويضيق الخلق لكن إنتي تعانيين من كوارث أدت إلى هذي الأشياء

برأيي تقعدين مع نفسك ... وتفكرين بعقل وتحطين المضار والمساوئ والحسنات وتعيدين التفكير وتاخذين قرار وتحطين أسوء الإحتمالات للقرار وتشوفين نفسك هل بتصمدين وتواجهين القادم .

خل هالمواقف تعلمك إنك ما تتغاضين عن الأشياء الكبيره في الأمور الكبيره في حياتك لأنها أمور جوهريه

والله يفرج همك ويفك كربتك ويمسح على قلبه بروح الهدايه والمغفره ويسخره لك ويرزقك ربي من فضله العظيم

رجل مثل هذا صعب يتعدل مهما قطع من وعود ..

لكن أهم شيء الاستخارة ثم الاستخارة ثم الاستخارة ..

والله يكتب لك الخيرة في أمرك .