ابي اي شيء يفيديني لتدريس ثالث ثانوي لماد&#157

شوفي أنا مو مدرسة بس تخرجت العام من ثالث ثانوي ..

أحس الرياضيات ما يحتاج وسائل !! لأنه تمارين تمارين و هي أهم شيء عندي
أستاذتي كانت تشرح جزء من الدرس طبعا قد تستخدم السبورة لتوصيل معلومه معينه بمثال .. بعدين عقب ما تشرح جزء بسيط ,, تقول الحين نكتب على الدفتر .. و أنا ضد اللي يشرحون و يكتبون في نفس الوقت و لا يحلون تمارين فيه فكرة جديدة و مطلوب من البنات انهم يكتبون التمرين في الدفتر في نفس الوقت لأنه البنت يا تركز في الكتابة يا في لاشرح 2 في واحد ما يصييييير ..
و انتي كمعلمة يبيلك تطلبين منهم يسجلون أي معلومه قلتيها على الطاير بالرصاص جنب التمرين .. و هذا اللي فادني شروحاتي اللي بالرصاص ..

كانت كل يوم أربعاء عندنا كويز(اختبار دوري) في اللي درسناه خلال الأسبوع ..

كانت تعطينا أوراق عمل عقب كل فصل فيها تمارين كثيرة و تعطينا فترة نحلها لوحدنا لازم نجرب و نفكر في البيت لوحدنا من غير مساعدة الأستاذة في البداية بعدين تخصص كم حصة لحل الأسئلة الصعبة سوا أما السهلة فنكتفي بذكر طريقة الحل شفهي و إذا بنت ما فهمت ممكن تشرح لها .. أو إذا الوقت ضيق تأجل الشرح بينها و بين الطالبة علشان ما تعطل على البقيــة ..

و في نفس ورق العمل كانت تكتب نهاية الورقة الأجوبة النهائية للحلول بحيث إذا حلتها الطالبة في البيت تقدر تتأكد ما إذا كانت إجابتها صحيحة و لا لا ..

بالنسبة للقطوع .. كانت تسوي لنا جداول حق كل قطع و أنا شخصيا ما فهمت القطوع إلا بطريقة الرسم .. يعني فيه تمارين أقدر أرسم رسم توضيحي بس علشان اتخيل الشكل و منه نكمل الحل ..

لما توصلين لتمارين الكتاب اللي تيجي كثيرة و ما فيها أفكار جديدة كانت تقسمنا مجموعات و كل مجموعه تحل بحيث يتعاونون البنات في الحل و إذا بنت ما فهمت شيء تشرحها لها زميلتها و طبعا المدرسة تشرف عليهم و تجاوب على استفساراتهم ..

هذا اللي عندي ان شاء الله أكون أفدتك

مشكوره اختي الله يعطيك العافيه