شوفي بقولك سوي حافظة فول وحافظة شكشوكة أو خليه يجيب لك كبدة وإحمسيها مع ثوم وبصل وخل وفلفل اسود وفليفلة خضراء وكثري مويتها وحطيها بحافظة شئ خيال بصراحة أنا أسويها دائما إذا أخذت فطور للزميلات في العمل ،، والفول ياقلبي ممكن تاخذي الفول المدمس بالخلطة السعودية ررررائع وتعملي إنتي خلطة بصل شوي ماتكثرين لأن كثر البصل تخرب طعم الفول مع شوي ثوم وطماطم مقطع ناعم بدون قشرة وشوي فلفل أسود وكمون وعصرة ليمونه وملح بعدين إذا حمستيهم حطي علبة الفول ودقيها شوي بالملعقة الخشبية وممكن تخلطيها في الخلاط نصف لفة ماتخليها ناعمة وبعدين حطيها في الحافظة ورشي بقدونس وزيت زيتون وشوي فلفل شطة بودرة أحمر ااااه على ريحته وطعمه إذا ظبطتيه راح ينهبلون عليه ،، وممكن تسوي سندوتشات مشكلة تونة ودجاج ولبنة وجبنة مشكلة كرفت وفيتا وسايل وممكن تعملي فطائر مشكلة بيتزا صغيرة وسبانخ ومناقيش زعتر ولحمة مع الطحينة سويها من الليل وخليها في الفريزر والصباح حطي الصواني بالفرن تطلع طازجه ياسلام ،،،
وبالنسبة للحلى ترى الرجال يحبوا الحلى سوي صينية عيش سرايا دوريها في المنتدى طريقة أم عزيزان تجنن وسوي بسبوسة بالقشطة وممكن تسوي معاه كيك رخامي مثل ماقالو البنات أو كيك شعيرية حق أم عزيزان رررررائع وميزة الحلى إنك تسويه من الليل وتخليه في حافظاته أو صوانيه مايخرب ولاشي يعني مافيه مشكلة في الوقت وممكن تسوي صينية كنافة بدل الكيكة برضوا طريقة أم عزيزان خيال الله يوفقها ويسعدها يارب تلاقين وصفاتها في رابط خاص بالصور ماشاء الله عليها وسوي ترمسين قهوة وترمس حليب بالزنجبيل وترمس شاي وترمس نعناع وبالتوفيق يارب والله يحفظك من عيون الرجال ترى مو كل رجال عنده شقرديه لاتنسين تقري الورد حق الصباح ضروري نصحتك مو تنسي مع الشغل وزحمة الوقت :27:

مرحبا حبيبتي
اذا كان الوقت يكفي سوي كلب ساندويش
و سويس رول التوست محشي فلافل أو لبنة او زعتر
و قطعية من النص بالمايل و ادهني الحافة يالجبن السايل ثم اغمسية بالبقدونس المفروم
و سوي صينية رول السنبوسة المحشية باللحم المفروم مع خلطة الجبن
و اي خدمة انا حاضرة
اختك القمر_1

مشكوره اختي قمريه الوادي وتسلم يدك اللي كتبت هالكلام والله افكارك ماشالله رائعه واستفدت منها وشكرا على طريقه الفول ياقلبي انتي وعلى تذكيري بالورد الصباح.......
ومشكوره اختى القمر1 افكارك بعد بتفيدني كثير وحلوه فكره الكلوب ساندوتش ما قصرتي..
ياربي تفرج همهم وتوفقهم وتزوجهم اذا ما تزوجو من الرجال الصاحين واذا متزوجين تسخر ازواجهم لهم وترزقهم الذريه الصالحه وتجعل لهم من كل هم فرجا ومن كل ضيق مخرجا ...... وياربي تساعدني وتبض وجه زوجي فيني لان بكره الفطور .....