هلا اختي ام حصيص..

الظاهر فهمتيني غلط اختي انا اقصد الشوربه العاديه و عصير الفواكه :27:

عدنا هنا في فرنسا شوربات رووووعه لليهال و الله اتشمين ريحتها خاطرج انتي تشربينها ..اشكال و انواع..

بس انا احياناً اسوي له شوربه بروحي.. يعني قطعي من كل الخضروات اللي عندج.. و اسلقيها بعدين حطيها ف الخلاط .. و خليها شوي غليظه احسن.. يعني ممكن اتحطين البطاطس و الكوسا و البصل حتى الكزبره او السبانخ.. عشان الياهل يتعود على كل الانواع و عشان القيمه الغذائيه و ممكن اتضيفين لها شوية رز او عدس.. حطيها له في الرضاعه.. في ربل للرضاعات اتكون مرقمه 1 ، 2 ، 3 يعني هي ربله وحده و مكتوب على كل جهه رقم هذي ممتااااااازه و انصح فيها كل الامهات لأنج ممكن تعطينه عصير خفيف او غلييييظ او الشوربه بنفس المرضعه بفضل هالربله اللي فيها ثلاث مقاسات..

بالنسبه للعصير انا عندي الاساس هو المشمش و اضيف له التفاح و البرتقال و ممكن اضيف له عنب ( و العنب حطيه ف شوية ماي ساخن و عقب طلعي منه القشر بسهوله بتقشرينه بسبب الماي الساخن )

او جزر او كمثرى.. يعني تفنني.. رشي عليه شوية سكر و اسلقيه شوي بس و بعدين خليه ف الخلاط و ممكن تحفظينه له ف الثلاجه لمدة 3 ايام مب اكثر..

سوووووري على الإطاله بس حبيت افيدج.. :27:

مشكورة اختي العز وما قصرتي ..

ولو عندج اكلات يديدة خبرينا .... :27:

شكرا يا بنات لكل من ردتعلى الموضوع
راس المعزه...انا بنتي شهيتها مو زود ما ادري ليش؟؟
بنت النيل...العز ..مشكورين حبيباتي ما قصرتوا بس هي ما ترضى تاكل اي شي يعني ما تحب الخضروات ولا اي شي يعجبها ما تحب الا الزبادي والمشكله انه يسبب لها الامساك
اشراقه..فعلا التنظيم مهم لكن للاسف انا اداوم وبهالفتره تكون مو تحت رعايتي وانتي تدرين اذا ما توكلين الياهل بئيدج ماكو فايده
fa1212 ..غاده....احنا ما قلنا سمنه نبيهم يستصحون شويه بس!! والله ان بنتي الكبيره من كثر ما تمرض الطبيب قال لي الادويه ما قامت تنفع معاها لازم تاكلينها عدل علشان تقاوم المرض علشان جذيه ما ابي بنتي الصغيره يصير لها نفس الشي
موف..الاندومي صعب تاكله تصلح للاطفال الاكبر عمر

على طاري الاندومي هل هي مضره ولا مفيده للاطفال اشوف عيلاني يحبونها مره وانا اخاف منها شكلها مايأهل انها تكون مفيده وش رايكم

هلا

عطيها حليب نان بيسمنها ........بس مو كل الاطفال يسمنهم ويمكن بنتك من هالنوع

والله اعلم