ابي بيتي يلق ويلمع

قوه بنات اخباركم بدخل بالموضوع على طول ابي بيتي يلق ونضيف وكل مكان ادخله القاه نضيف ويفتح النفس ابي المطبخ يلمع دواليبه نضيفه اكسسواراته تلمعععععععععع اشوف بؤبؤ عيني بالسراميك من النضافه مافيه ولا ذرة غبار وابي الهوايه كانها توها مركبه.. ابي الحمام وانتم بكرامه يلق وريحته تشق الخشم ديتول ولمعه اشوف صورتي على السراميك .:)........ابي الصاله مرتبه ونضيفه وريحة البخور اشمها وانا عند باب الشارع ...ابي الدرايش تلمع والستاير تلمع ابي غرف النوم تلق والدواليب مرتبه وريحت عطور المفارش توصلني وانا تحت ابي عيالي نضيفين ومرتبين واي شي يخلصون مستعملينه يحطونه مكانه ويحطون الوصخ علطول بالزباله بدون ماقول لهم وكل ما قول لهم شي يقولون ابشري سمي يمه ****لله لاتزعلين ولا يضيق صدرك يمه ..(بالاحلام) ابي زوجي يدخل بيده هديه فخمه ويقول حبيبتي انتي تستاهلين وحترت وش اهديك تدللي امري اللي نفسك فيه ابسويه على طول تبغين تذاكر سفر ونخلي العيال عند اهلي ولا اهلك تبغين ذهب الماس شيك مفتوح انتي بس اطلبي ومالك الا اللي يرضيك .كني كثرت من احلام اليقضه وطلعت عن الموضوع المهم ..ودي كل مالتفت على شي اقول الله هاذا اللي انا ابيه ..(بالجنه ):):)تعبت انضف وكل شي يتوصخ على طول واللي ما يوصخونه العيال الله يهديهم يوصخه الغبار التنضيف صعب ويهد الحيل خاصه حامل وثقيله والوصخ سهل وعلى طول يجتمع :eek:تعبت تعبت تعبت ياناس انهد حيلي وانا كاني انفخ قربه مشقوقه على قولة المصريين الوصخ لا يطاق ابي بيتي نضيف تكفون عندكم خلطه او وصفه تنضف البيت الحقو علي فيها لا تقولون جدول بيتي دورين ولا ينفع معه شي هد حيلي .. ادعولي الله يهون علي واصير خفيفه اطامر على الجدران والدواليب وامسحهن وادعولي الله يرزقني ببنت تساعدني يارب ..تكفون يابنات انتم راضين عن مستوى نضافة بيوتكم ولا تمنون ان بيوتكم انضف وانضف الضاهر النضافه الكامله صارت حلم