ابي بيت وحديقه وحوش وسعه صدر يارب يرزقني واياكم

اهلين بنات كيف حالكم
موضوعي هذا فقط للفضفضه

يا بنات انا لي 5 سنوات متزوجه وساكنه بشقه صغيره
طمووووحي وامنيتي اسكن بيت وحوش وملحق ودورين وأتوسع
لو شاريه قبل 5 سنوات كان نلقى لنا ب 700 الف وفوق بس كنا تونا متزوجين ومفلسين
الحين نقدر نجيب 700 الف وبصعوبه بعد بس مافيه بيوت اقل من مليون ونص

احس البيت الواسع سبب مهم من اسباب السعاده
غرفة نومي كله سرير اول ما تفتحين الباب طبي عالسرير
غرفه عيالي نفس الكلام
مطبخي سيب فقط مالي خلق اطبخ وانفخ ودي بمطبخ كبير استمتع بالطبخه كأني بمختبر طبي كبير هههههه
صالتي صغيره بعد


ما ودي اطلع شقه اكبر
لا ودي بيييييت ابي حوش حديقه
ياربي وش الحل

زوجي اول ما تزوجنا قال 3 سنوات ونسكن ان شاء الله
مرت 5 سنوات قال نقدر نسكن بس دبلكس والا انتظري كم سنه

ما ابي دبلكس لان الحوش ممر والبيت شقه مكبره ما استفدنا


وش الحل البيوت اللي مساحتها 400 صارت باربع ملايين
الخدامات صاروا بعشرين الف والرواتب ألف

صراحه زمن كل ماله يصعب اكثر


على وقت امي كانت تجيب الخدامه بخمس الاف وراتب الخدامه 400
وسكنت ببيت كبيييير وحديقه كبييييره كانت ايام الطفره وكل الشعب اغتنى


العقبى لنا في وقت قرررريب

احلم بالثرررراء بس وشلون ما ادري :/


الله يرزقني واياكم يارب