د/طيــر الحــرم :

حبوب الرواكوتان من العلاجات الفعالة في علاج حب الشباب لكن هو بتستخدم في حالات حب الشباب الشديدة واللي الدكتور يشوف إنها إحتمال تترك أثار ندبات يعني مثلا لو بنت راحت تكشف عند دكتور بتشتكي من حب شباب شديد ولقى الدكتور إن مامتها عندها ندبات بوجهها كآثار لحب الشباب معناها البنت هي كمان احتمال كبير جدا حب الشباب عندها هايخلف آثار كندبات فدي لازم تستخدم رواكوتان حالات حب الشباب الشديدة واللي على شكل حبوب كبيرة واللي بتترك أثر ندبات بالبشرة لكن غير كدا مالوش داعي استخدامه خصوصا إنه مش علاج بسيط لأن بشوف بنات كتير بيستخدموه من نفسهم وبدون داعي وهدفهم فقط تصفية البشرة مثلا!!! ودا طبعا غلط جدا ممنوع استخدامه تحت عمر 18 فيه دكاتره بيقولوا ممنوع تحت 14 بس أأمن بلاش تحت 18 لازم المريضه تعمل تحاليل وظائف كبد ودهون الدم لأن العلاج دا بيعمل خلل في وظائف الكبد فلو حد عنده خلل في وظائف الكبد أو دهون زيادة بالدم وكوليستيرول ممنوع يستخدم الرواكوتان والتحليل دا بيتكرر كل شهر مع العلاج ممنوع الحمل مع العلاج وبعد ما توقف العلاج ممنوع تحمل فيه آراء تقول ممنوع الحمل لمدة 3 شهور بعد توقيف العلاج وفيه بيقولوا 6 شهور وفيه دكاتره بيقولوا لمدة سنة ودا أأمن شئ وعلى حسب العلاج اللي بتاخده المريضة الأعراض الجانبية للعلاج حدوث جفاف شديد جدا بالبشرة لدرجة إنه من كتر الجفاف بيحدث تشققات شديدة بالشفاه وممكن جفاف بالعين وممكن من كتر الجفاف يحصل نزيف بالأنف بس دا كله أعراض مؤقته نادر إنها تستمر بعد ماتوقفي العلاج وادهني بس فازلين للترطيب وآخر يوم توقفي فيه الرواكوتان يفضل تستخدمي ديفيرين جيل كعلاج موضعي في آخر يوم توقفي فيه الرواكوتان بيعطي نتيجة حلوه خصوصا لآثار الحبوب والبقع السمراء الكورس تقريبا من 3 شهور إلى 6 شهور

حبوب الرواكوتان من العلاجات الفعالة في علاج حب الشباب لكن هو بتستخدم في حالات حب الشباب الشديدة...