ابي تجاربكم يابنات حامل وينزل علي دم والهرمون يرتفع ..مين صار لها نفس الشيء؟

بسم الله الرحمن الرحيم


اخواتي انا قبل يومين كتبت اسالكم عن دكتورة او دكتور شاطر بجدة ومحد رد علي الا وحدة الله يجزاها خير .

يابنات ابي استفسر منكم انا الحين بالاسبوع السادس من الحمل ولله الحمد يارب يتممه علي ويفرحني بولادته سليم معافى ليس فيه زيادة ولانقصان..

لكن المشكلة انه انا اصلا نزلت علي دورة عادية بعد حملي وقلنا عاااادي حمل غزلاني ووقتها اصلا ماكنت ادري اني حامل..
خلصت الدورة وهذا انا لي ثلاث اسابيع وبعدها قبل اسبوع بالضبط ونزل علي دم بعد فحص الدكتورة لي نزل علي نقط دم حمراء كثيرة وقالوا لي اجهاض بس خليكي اسبوع قبل مانسويلك تنظيف لانه ممكن ينزل من حاله..

هالكلام عند دكتورتي بالرياض ويوم نزلت جدة رحت لدكتورة ثانية وسوت لي تحليل هرموني وبعد يومين عادته لي ولقيته زاد من 2900 إلى 3850 لكن مازال معاي حاليا كدرة بنيه لي اسبوع على هالحال :(
بنات سالتكم بالله مين صار لها مثلي كذا واستمر حملها؟؟

هل في حالة الاجهاض يرتفع هرمون الحمل ولا المفروض ينخفض على طول ؟؟:06:

يابنات انا بهم عظيم هذا اول حمل لي من بعد سبعة سنين وقاعدة بجدة ولا اعرف اروح لمين علشان اسمع راي اكثر من دكتورة او دكتور ثقة

يابنات ارفعوا موضوعي انا مااقدر اشارك الا ثلاث مرات وانا ابي احد يطمن قلبي انا فوضت امري لربنا بس ابن ادم بطبعه قلوق

الله يسعدكم يابنات ارفعوا موضوعي بس اليوم الين اسمع تجارب البنات وخبراتهم وادعوا لي الله لا يكتب على مسلمة انها تجهض ويارب يرزق كل محرومة بالذرية الصالحة ويسهل على كل حامل ياررررررب