ابي تعطوني طريقة صينية سمك ضروري بكره عندي عشا ابيكم تساعدوني~~~~~~~~~~~~

اختي الحبيبة

هذي طريقة الأخت ام الكرم والجود اتمنى ان تفيدك .........

احضري سمك نوع هامور مقطع شرائح واغسليه جيدا ثم افركيه بملح وليمون ثم ضعي في صينيه

زيت يفضل عباد الشمس اخف وقومي بخلط البصل المطحون والثوم وعصير اليمون والملح والماجي

الابيض وقليل جدا من الخل وصلصة الصويا وشوية ماء حتى تصيح شبه سائله ثم افركي شرائح

السمك في الخلطه وصفيها في الصينيه وضعي باقي الخلطه عليها ثم شرائح بصل وليمون وضعيها في

الفرن واشعليه من تحت وفوق تقريبا ساعه الا ربع وقدميها مع صلصه مكونه من مايونيز وروب وثوم

وكزبره مطحونه وملح وبالهناء والعافيه.....


اختي الحبيبه: ارجو منك الدعاء لي بالذريه الصالحة


اسأل الله لك الجنه

`````````````````

اخذي سمك فليليه وحطي عليه كركم وملح وبهاراتك اللي تحبيها وثوم وزنجبيل مطحونين وافركي السمك به زين وخليه شوي ربع ساعه بعدين اخذي شوي طحين مع كورن فلكس مطحون زين وغطي السمك به زين واقليه ،،

ممكن تاخذين السمك اول تحطينه بطحين بعدين بيض بعدين كورن فلكس
يطلع مقرمش

ان شاء الله تعجبك ،،

وقدميه مع صلصلة حمرا تتكون من ،، ثوم واحده ،، حبتين كبار طماطم او ثلاث بدون قشر ومقطعين ،، فلفل علوب اخضر واحد ،، كزبرة خضرا شوي ،، افرميهم بالخلاط مع نص ليمونه وملح
تقدم الصلصه هذي مع السمك والرز بالخضار او الابيض

خذي سمكة كبيرة برأسها وأغسليها جيدا ثم احشيها بالكزبرة والبقدونس والثوم مفرومين ناعم وحطي لهم ملعقة زيت وبهارات السمك وحطي حواليها دوائر بطاطس مسلوقة نص استواء في ماء وثوم وماجي دجاج وزيني السمكة بحلقات الفلفل الأخضر والاحمر والليمون والطماطم وممكن تزيدي في الحشوة ربيان مقشر أو شعيرية صينية أو هما معا والسلطات مافي أحسن من سلطة بفواكه البحر ربيان على خس على خيار وشوية رز أبيض وصلصة جاهزة أو سلطة بلدي عادية أو خيار بالروب وحطي معاهم سمبوسة بالسمك كمقبلات وحطي مع السمكة صحون مخللات وزيتون وما شابه