ابي تفاصيل عن صناديق البنك البريطاني..اللي تعرف ياليت تفيدني

السلام عليكم

يالغاليه بالنسبه للبنك البريطاني عندهم أفضل صندوق هو صندوق الامانه

وعليه فتوى بأنه مجاز من هيئة الرقابه الشرعيه

بالنسبه لهذا الصندوق العام صافي ارباحه كان 104%

مايميز هذا الصندوق عن صندوق الرائد تبع البنك البريطاني ان في صندوق الامانه

التقييم مرتين اسبوعيا

طبعا اقل سعر تحطينه 8000 ريال

اقل سعر للاسترداد 4000 ريال

اقل سعر لزيادة رأس المال 4000 ريال

انتي اذا حطيتي 10 الالاف بتكون عمولة البنك تقريبا 300 ريال بس

والصندوق ماعليه كلام

بس تبين نصيحة اخت في الله

اذا عندك حساب في سامبا حطيهم في صندوق الرائد لأنه من جد فله

وهو افضل صندوق على مستوى البنوك

لكن حتى الامانه حلو

اما عن كيف انك تحطين فلوسك فيه هذا الله لايهينك تروحين البنك

وتقولين لهم انك تبين تشتركين في صندوق الامانه وهم عليهم الباقي

واي اسأله تفضلي

تحياتي

نسيت اقول لك ان ارباح او 3 اشهر من العام الماضي كانت على مااذكر 54% او 45%

بس ترى الارباح تعتمد على رأس مالك اولا ثم على وضع السوق

اما الصناديق الباقيه ماهي لهناك وكل بنك له صناديق مجازه وصناديق محرمه

لكن المجازه الحمد لله اكثر شي مشتهره ومنها الامانه

واي استفسار انا حاضره

تحياتي لك

Veronica_X
اشكرج على ردج عزيزتي..
وجزاج الله الف خير..طيب عزيزتي يعني خلال كم ممكن المبلغ يتضاعف..تقريبا؟؟

:27:
شكرا للمعلومات

قولي ان شالله يتضاعف

لأنه يعتمد على وضع السوق

ونصيحه من اخت لك في الله

والله ماابي لك الا الخير

بس لاتدخلييييييييييييييييييييييييييين الصناديق الايام هذي

لأن خسارتك بتكون قبل ربحك

اصبري شوي لين يستقر وضع السوق بعدها ادخلي فيه وتوكلي على الله

بس قبل كل شي صلي ركعتين الاستخارة

الشهر هذا لاتدخلين انتظري شوي يصير استقرار

لأن وضع السوق حاليا مايشجع بسبب ارتفاعات وانهيارات مفاجأه

تقدرين تكلمين المتخصص في الاستثمارات تبع البنك وتسألينه انسب وقت

مدري اذا الخدمه هذي عند البريطاني ولا لا بس اتوقع راح يفيدونك

واي استفسار انا حاضره

تحياتي